元朗賞花:【春暖花開!黃金/紫色劍蘭花海!】- 信芯園

早前新田信芯園園係暑假期間種左成片向日葵花田比香港市民欣賞,鐘意既仲可以買佢地返屋企!依家春暖時節,大家都搵郊外地方避疫,而元朗新田信芯園園主就話佢劍蘭花開始盛放,有金色品種,今個星期開始少女最愛既紫色劍蘭亦開始盛放,希望邀請市民前來呼吸新鮮空氣一同賞花!園主不嬲對香港呢個地出心出力,去年6月更以成本良心價售出向日葵梁凌杰治喪委員會提供2000枝向日葵,送給死者作道別。

元朗信芯園黃金/紫色劍蘭花海

▲新田信芯園開到一片花海,真係黃到金!

元朗信芯園黃金/紫色劍蘭花海

▲新田信芯園園主經常以土地正義聯盟發聲,希望政府注重農地保育。

元朗信芯園黃金劍蘭花海

▲今年好多大型活動都取消左,好似香港花展2020原地係3月頭舉行,現今因疫情而取消。市民黎到除左可以同金色劍蘭花影相,仲可以帶佢地返屋企。

元朗信芯園黃金/紫色劍蘭花海

▲紫色劍蘭花更高貴美艷。

元朗信芯園黃金/紫色劍蘭花海

▲一片紫色劍蘭花花海,大家可以隨意影相,不過大家影相果時,唔可以將向日葵花折斷同借力。

▲其它顏色劍蘭花亦盛開

▲除左劍蘭花之外,早前盛開亦有香水百合

信芯園

地址:元朗新田小磡村
開放時間:請向新田梁日信 查詢
交通:九巴76K石湖圍巴士站、紅色小巴17、綠色小巴76/78「石湖圍」有落
賞花注意事項:
⚠️疫情未受控,如要跨區前往,請自行判斷風險
⚠️如帶同小孩,盡量避開周末可能人多之時間前往。
⚠️請確保個人衛生,請依然戴上口罩
⚠️請將用過口罩及垃圾帶走。

文字來源:香港人遊香港 / 圖片來源:新田梁日信Kiki Lam

Close Bitnami banner
Bitnami