尖沙咀甜品:【抹茶霸氣餐!一次過食5款抹茶甜品】- 宏 Hiroshi

身邊總有個抹茶控,只要食到抹茶甜品就會感到好幸福,所以呢間日本料理 宏 Hiroshi 主打甜品,就以抹茶為主題,推出多款日本抹茶蛋糕甜品系列,係各位抹茶控天堂!佢地對抹茶蛋糕製作非常認真,選材大部份都係日本直送,包括京都宇治抹茶粉,北海道富良野牛奶、福岡雞蛋、德島溫室草莓。除左大家慕名而來既抹茶蛋糕卷、抹茶戚風蛋糕、抹茶芭菲之外,餐點仲有海鮮咖哩、松島海藻烏冬等。

抹茶甜品套餐($160):可以一次過試盡5種口感!包含有抹茶雪糕拿破崙、抹茶小蛋捲、抹茶馬卡龍、北海道牛奶布丁、宇治抹茶奶一杯

抹茶甜品套餐($160):另一款5個口味甜品餐包含有抹茶雪糕、抹茶蛋糕、抹茶布丁、抹茶曲奇、抹茶水晶糕。

抹茶蛋卷($69/Tea Set ; $84/Coffee Set):又軟又鬆化既蛋糕外層包住又厚又香濃抹茶忌廉層

大抹茶蛋卷,蛋糕質感濕潤,做法使用水蒸烤方式,搭配戚風蛋糕體做法,抹茶餡唔係好甜。

抹茶芭菲($78)芭菲層次感十足,由上至下分別係薄脆、抹茶雪糕、抹茶麻糬、忌廉、抹茶啫喱、雲呢拿慕絲連海綿蛋糕,最底層係粟米片。

京都宇治抹茶軟雪糕芭菲($88):抹茶軟雪糕香滑,軟雪糕插上脆餅,其它配料有抹茶啫喱、煙煙湯圓小丸子、紅豆蓉,上面灑了抹茶粉,味道更濃而最底就係脆脆

宇治抹茶紅豆班戟,唔似平日食梳乎厘班戟咁有空氣感,呢個係似蛋糕實在口感,不過就勝在打卡吸睛,除左班戟呈抹茶色之外,仲有蕨餅、白玉小丸子、抹茶雪糕,同圍仲布d香脆杏仁合桃片,都算幾豐富。

宏 Hiroshi

地址:尖沙咀彌敦道100號The ONE 5樓502號舖
電話:27372665

文字來源:香港人遊香港 / 圖片來源:@jaeciss、@yosyosan、@foodie_cony、@yankiw、@tttbbkk、@kongfoodie、@jo_happyvacation、@_wanttoeat