中環台灣菜:【日式台菜!必食紅燒牛肉配日式烏冬!】- 一起食堂

Home Office 生涯即將完結,返工又要出街諗食咩好,返中環既朋友近年都好鐘意食呢間台菜,雖然係台式為主,但木系小店氛圍,就有少少古日本意境。店內掛上燈籠、台灣電影海報,都幾有台南feel!不過一般食到既台菜既口味勁重,呢度就唔會咁heavy,正好迎合OL較清淡口味。最受歡迎既紅燒牛肉麵係限定50碗,大大碗以烏冬代替麵食,食完主食,緊係要order 台式糖水芋圓先叫做大滿足!

紅燒牛肉麵($89)牛肉有4、5件,都好大舊下,夠淋又唔會好咸,配送兩件蘿蔔清甜入味,麵質就好似用左日式烏冬,煙韌掛湯。

原條蒲燒鰻魚飯 ($139):香嘖嘖既蒲燒鰻魚肉大大件,厚切而且口感鬆軟,肥美嫩滑,加上跟半熟溫泉蛋同吃、日式蘿蔔、小棠菜、蔥花

三色海鮮茶漬飯($109)蟹肉、廣島蠔及,以日式茶漬手法入饌,茶湯底清香不濁,選用廣島蠔大大隻肥美,蟹肉、鯛魚亦見鮮甜

和風牛肉飯($79):相信大家都少左去吉x家,黎呢度都有好味既牛肉飯食,呢度價錢可能比想像中貴左少少,但牛肉比吉x家厚切,份量都幾多, 撈埋隻半熟蛋一齊食不確係一流。

芋圓仙草凍($38)芋圓好似一粒粒肥嘟嘟既波波,當中以芋頭味最香濃!

一起食堂 

地址:中環域多利皇后街2號地舖
電話:67221639
營業時間:11:30 – 21:00

文字來源:香港人遊香港 / 圖片來源:@_wanttoeat、@miss_c_world、@amateurfoodie19、@foodglesearch