fbpx

粉嶺打卡:【粉嶺期間限定!駐足欣賞紅花風鈴木!】- 粉嶺中心

今年2月,香港人都經歷左不一樣既時間。大家都足不出戶,就算出街人流都大大減少,尤其上水、粉嶺呢d新界北地區,少左內地自由行人士,社區只剩下街坊。天氣稍暖,粉嶺火車站出面有2大棵紅花風鈴木,呢2棵紅花風鈴木遠觀好似櫻花,一般樹既高度比黃花風鈴木更高,觀賞價值都一樣咁高!所以最近引來唔少行人駐足欣賞,好多龍友都一早黎霸位影靚相!不過小編提提你,呢個地方係午前後會好多人聚集賞花,減低染病風險,大家最好避開人潮,賞花時都記得戴實個口罩呀~

▲紅花風鈴木屬落葉喬木,樹身一般都好高大。今次呢2棵就位於粉嶺中心出面。

▲另一棵就係靠近祥華邨,紅花風鈴木原產地巴西、巴拉圭等熱帶地區。

▲紅花風鈴木花朵呈喇叭狀或漏斗狀,遠睇密密麻麻咁﹐好似一個粉紅色波波咁。

▲紅花風鈴木呈少女心粉紫紅色,常在葉腋處形成頂生大花簇

▲粉嶺天橋以往「人喼爭路」之地,市民一般都係快步走過,今次疫情來臨反而多左人有機會駐足欣賞。

▲係粉嶺天橋望返出去較易影到靚相

▲就岩角度,就會影到藍天背景既花花喇!

紅花風鈴木

地址:香港新界粉嶺新運路33號粉嶺中心

文字來源:香港人遊香港/圖片來源:@w.t.sham、@mingmei20、@kaga_ss

Close Bitnami banner
Bitnami