佐敦cafe:【佐敦咖啡店!可能係全港最好食Tiramisu!】- Page Common

依個時勢雖然好多人避免出街食飯或者改為買外賣返office食,不過就唔係個個都可以咁做。如果可以既話,出外工作或者買野後搵間人流冇咁繁忙既食店都係個好選擇。呢間咖啡店位於佐敦精品設計酒店,裝修陳設以低調而雅緻工業風為主。其咖啡出品極其認真,烘焙商係黎自本地精品咖啡Ideaology,只要你係愛啡之人,一定會鐘意呢度咖啡。除左咖啡,一定要試埋佢地既tiramisu,質感濕潤,口味清香順滑中帶點微甜。

▲咖啡店隱秘於精品酒店大堂內,旅客人流少左,呢度都唔會好多人

▲午後配咖啡小點心包括曲奇及牛角包

▲從MENU以工業風設計,餐食甜品大概十來種,咖啡種類都好多,如果想飲果款Menu冇,都可以同咖啡溝通下。呢度page common blend推介意式拼配,味道堅果味重,輕微柑橘酸、花香,有強烈朱古餘韻,飲起來很特別。

▲場內都有大枱

▲Flat White就係以本地精品咖啡、打發明治牛奶成奶泡,飲落口感馥郁順滑。對於想飲咖啡味更濃既奶咖黎講,Flat White絕對係最佳之選。

▲港式咸牛肉炒蛋多士 ($58) : 份量都幾多對我來說足夠,炒蛋混入醃製過鹹牛肉粒,口感嫩滑。多士口感酥脆。

▲店內都係以暗色出銹化銅牆工業風為主,喺小窗口滲入自然光之下食brunch都唔錯。

▲提拉米蘇 ($48) : 提拉米蘇蛋糕喺網上屢獲好評,佢唔係好挺身果隻,蛋糕質感濕潤軟滑,濃郁espresso香氣怡人,甘苦味、輕盈奶油甜碰撞一起,加上marscaphone芝士,仲有人話佢係全香港最好食既Tiramisu

Page Common

地址:尖沙咀柯士甸道148號Page 148地舖
電話:38448899/63864653
營業時間:08:30 – 17:30

文字來源:香港人.遊香港/圖片來源:Matchatoto、KentonLeung