尖沙咀居酒屋:【香港都有傳統日式居酒屋!一班朋友吹水食飯飲酒!】- Hokahoka

今次介紹既呢間係一間傳統日式居酒屋,餐廳地方都幾大,係個一大班朋友食飯吹水好地方。餐廳以和風裝修為主調,有一個大廳位置座位係以榻榻米為主,好有日本特色嫁。叫得呢度係一間居酒屋又點少得啤酒同日本清酒呢,呢度既門口放左個櫃擺滿唔同款式既日本清酒同吟釀,店主對日本酒好尊業,所以呢度既日本清酒款式絕對唔會好求其。除此之外,呢度既日式菜選擇豐富,有刺身、壽司、卷物、串燒、炸物、一品料理、燒物、天婦羅、茶漬飯等等,望住本餐牌都唔知點揀好了。如果有一大班人聚會又想食日本菜,呢間確實係一間唔錯既選擇。

▲炸河蝦仔($108): 呢款餐前小食必點之一呀!河蝦仔炸到好脆,可以成隻放入口食,食落去但又唔會覺得好油膩,配埋啤酒飲仲夾!

▲牛舌串燒: 牛舌都厚身,口感食落去爽爽地,無燒過龍太乾同埋點咬都咬唔到。

▲大蝦天掃羅($100): 炸粉食得出唔會過多,因為炸皮薄薄地,而蝦肉都大舊,唔會淨係得炸皮。

▲芝士酒盗: 北海道軟芝士上面放了一團紅色物體,食落去咸咸地同芝士好夾,果團其實係醃製魚內臟漬物,呢款小食亦係第二款拌酒好菜式。

▲餐廳門外裝修得好日式,淨看門口裝修就知道呢間就係一間日式料理既餐廳。

Hokahoka

地址:尖沙咀麼地道63號好時中心51-52號舖
營業時間:12:00-15:00/18:00-00:00
電話:23661784

文字來源:香港人.遊香港/圖片來源:@happinessfromfood、@felixchan5、@blam1102