如果單單睇餐廳名，係門口可能以為係一間食潮洲打冷野，但其實呢度係海鮮米粉或湯飯，每碗都真材實料。而呢度既米粉均以新竹米粉為主，湯都係老闆煲左好耐入晒味嫁，除左米粉湯都好好飲，飲晒都唔會好口乾。間鋪頭雖然細，裝修簡約，但入到黎會有一種好舒適既感覺，客人可以用心望下幅幅貼係牆上既海報或照片。呢間良心餐廳仲有比特別優惠比班學生哥添，星期一至五全日制學生著校服或有學生證埋單時同店員講聲香港加油就可以有一碗半價優惠了。
▲清酒大蜆米粉($48)：每粒大蜆都幾大，同埋食落去蜆肉好鮮甜同無沙。清酒味唔會太濃蓋晒蜆肉清甜味，米粉都入晒味!
▲手切肥牛米粉($53)：估唔到呢度都食過本地新鮮手切牛肉，牛肉係唔會煮到全熟，反而用湯底浸一下就煮得岩岩好，好帶得出牛既鮮味!
▲蠔皇花膠撈米($68)：花膠都好大舊，煮到好入味同埋好彈牙，而米粉撈埋蠔油同花膠汁一齊食真係好正!
▲花雕酒香，每舊都夠入味。
▲廣島蠔米粉($53)：一碗有成四隻蠔肉，食蠔最怕有種苦同腥味，呢度既蠔好在都無，食落去好甜!
潮州人
地址：太子界限街12號A地舖
營業時間：星期一至日 12:00-22:30
電話：6536 6626
文字來源：香港人.遊香港／圖片來源：@dj_artshop、@kitsune_sei、@stupidbao、＠tutmok