金鐘新春2020:【唔洗飛會安都有得同燈籠打卡!中式燈籠同西方熱氣球融合!】- 太古廣場

十二盞色彩繽紛嘅彩燈懸掛喺商場天花板入面,就好似蝴蝶喺天空上飛舞一樣。彩燈係由著名嘅家具裝飾品牌Lala Curio設計嘅,結合咗中國傳統燈籠同西方熱氣球。為東方傳統嘅手工藝添上時代感,唔單止保留咗傳統中國美學,仲為大家呈現出煥然一新嘅形象。當中最特別嘅一定係Garden Court,入面裝置咗八十八個彩燈,就好似置身係大型萬花筒咁,令你眼花撩亂。啱哂一家大小過嚟,過番個開開心心嘅新春。

▲ Garden Court,好似漆黑中嘅光一樣,為大家燃點希望。

▲ 真係同屋企人影相嘅最佳位置啊。

▲ 蝴蝶刺繡,富有中國傳統特色。

▲ 桃花盛開,係其中一個燈籠嘅屏風裝飾。

▲ 呢到嘅佈置都好有香港特色,用紫荊樹嘅心形樹葉作創作靈感。

▲ 懸掛喺天花板嘅彩燈。

▲ 快啲過嚟參觀喇。

▲ 只要係商場內消費滿指定金額,仲會送番個靚靚嘅新春利是俾你。

太古廣場

地址:金鐘金鐘道88號L1層
電話:2844 8988
營業時間:11:00 – 22:00

文字/圖片來源:香港人遊香港