荃灣印度菜:【荃灣隱世驚喜印度菜!小店必試咖哩油酥餅!】- 巴巴站

荃灣路得圍一向都出名有唔少特色野食,今次介紹既呢間係一間食印度菜既餐廳,係香港食到間咁有當地特色既印度菜小店少之有少。呢度既菜式全部都新鮮即叫即做,唔會整完放左好耐,所以係等候食物時間上面係耐啲。餐廳絕對係一間小店,座位得十多個,雖然最近一到夜晚都好多人排隊,但都無減香港人排隊幫襯既心,咁有特色既小店又點可以比佢倒閉呢?

▲印度式串燒($72 6串): 呢度既串燒每串都份量十足,食落去啖啖肉! 一共有4款肉比客人揀,分別係雞、牛、豬、羊! 推介呢度既羊肉,食落去羊騷味唔係好勁!

▲印度燒雞薄餅($88): 呢度既薄餅全部都係即叫即製,有兩種Size比客人揀,如果多人就建議揀大份。薄餅食落去好脆,上面既蕃茄醬同芝士份量都多,所以個pizza都相對上重口味,不過雞肉都唔會焗到有啲老,食落去都滑身既!

▲油酥餅(跟餐可以有兩塊): 呢個值得大推! 家陣唔係好多地方食到即製既油酥餅,食落去會咬到好多層次同埋好鬆脆! 食咖哩又點可以唔配油酥餅呢? 如果唔夠喉既話仲可以單點嫁!

▲傳統咖喱雞 ($75): 咖哩一上菜已經聞到好香既咖哩味,咖哩汁份量都多,唔好以為咖哩一定係辣,呢度既印度咖哩食落去係甜甜地,味道好正宗,會食得出用左好多種香料去製作。而雞肉食落去入晒味同埋好滑。

▲廚師特制BBQ雞腿($68): 呢個雞腿岩晒啲鐘意食濃味菜式既朋友! 雞腿焗到雞皮好脆配埋好滑既雞肉,真係會令到人停唔到口咁食!

巴巴站

地址:荃灣海壩街81號地舖
營業時間:11:30 – 00:00
電話:26084270

文字來源:香港人.遊香港/圖片來源:@uisuisgnat、@foodromance.hk@foodie_sumh、@kenifood

Close Bitnami banner
Bitnami