質素仲高左！
小編風聞銅鑼灣Kudos海鮮自助餐做得唔錯，今日終於有機會見識下！
原來銅鑼灣Kudos係幾個月前已經轉左做semi-buffet，不過眼見食物種類絕對唔係減半！大家平日食開既生蠔、刺身、海鮮都仲保留。小編食完日式刺身、生蠔、海鮮湯之後，就乖乖地坐低等主菜食喇！提到主菜張menu，令小編個選擇困難症又再次發作！
▲生蠔當然係最受歡迎，每一晚有六款比大家選擇，六款蠔分別來自: Fine De Claire, Australian Coffin Bay, Irish Rock Live Bistro, French Normandy, USA Minterbrook, L’Fine，全部即開即食，味道食得出有海水咸香，肉質非新鮮，生蠔愛好者一定唔可以錯過！
▲本月 (11月) 有贈送既美食: 每人都有原隻鮑魚
小編鐘意食牛同海鮮，淨係牛已經有4個選擇，友人係龍蝦控，一早已鎖定目標。結果我地2人叫左一個「忌廉芝士焗波士頓龍蝦」同「烤美國安格斯T骨」(另加 HK$98)，
▲Main course: 忌廉芝士焗波士頓龍蝦，龍蝦肉配埋蘑姑口感非常豐富，龍蝦啖啖肉，而且肉質感彈牙。
▲Main course: 烤美國安格斯T骨(另加 HK$98)，安格斯T骨煎得恰到好處，放入口牛味勁濃，油脂係口腔中融化，配菜焗薯確係驚喜之作，焗薯上面酸忌廉真心好食！
▲食完主菜之後，緊係主攻甜品啦！鐘意食榴槤既朋友有福喇！(左)榴槤班戟: 榴槤肉比較熟 (右)榴槤芝士蛋糕:微微幽香既榴槤味道，小編食完都想去拎多件！
▲帶子最好味, 食多幾round都仲得!
▲buffet 實唔少得海鮮個份
▲螺頭紅棗燉湯: 好岩秋冬飲
▲Häagen-Dazs雪糕批, 有3款味可以揀。食Häagen-Dazs雪糕批是常識吧，食2條都抵哂，不過小編都係鐘意食yogurt多D，至於是日意大利雪糕係血橙味，就唔係好識欣賞喇！
▲成枱都係野食, 樣樣食d就圍返條數…
▲記得早book個靚view位,再早d入場食返夠本
Kudos
地址：銅鑼灣禮頓道8號香港銅鑼灣皇冠假日酒店1樓
電話：3980 3000
供應時間：星期一至日: 18:00-22:00
價錢：星期日至四 成人 $568 / 小童 $284
星期五、六、公眾假期及前夕 成人 $598 / 小童 $299
文字來源：香港人.遊香港／圖片來源：香港人.遊香港
