歡塘泰菜:【網民「懲罰」觀塘泰國菜!CP值超高!】- 泰COOL

呢間泰國菜有成兩間分店,一間就係觀塘,而另一間就係將軍澳,觀塘既分店位於工業區,呢度既工業區一向出名係覓食既好地方!而呢間亦係數一數二有良心兼有質素既泰國菜餐廳,講緊既係價錢經濟實惠,就算星期六日食都有午餐、下午茶餐等提供。呢度既鋪位都算大,有好多枱等位時間相對上唔耐,而且仲有Bar枱可以比客人飲酒吹下水添!

▲鮮蝦炒金邊粉($88): 金邊粉出面有蛋絲包住晒,頂頭仲有隻燒過既大頭蝦,入面仲有啲蝦肉,金邊粉食落去酸酸甜甜,好開胃!

▲泰式炒通菜($68): 泰式炒通菜係食泰菜必定會叫既一款,呢度通菜份量好多,而且夠濃味,食落去辣辣地!

▲串燒拼盤大($108):申燒拼盤有雞肉、豬肉、牛肉同豬頸肉,而串燒既沙嗲汁都好惹味!啲肉全部食落唔會太難咬!

▲冬陰原隻大蝦海鮮湯($108): 呢個飲落去都幾辣,不過好足料,呢個價錢咁多海鮮配料絕對控食!飲幾碗就會覺得好辣!

▲鮮蝦刺身($88 8隻): 生蝦刺身食落去都幾新鮮,除左8隻揀仲可以揀十隻。

泰COOL

地址:觀塘鴻圖道48號新榮大廈1樓
營業時間:
11:00 – 22:30
電話:28151182

文字來源:香港人.遊香港/圖片來源:@natyuen19、@joyce_love_michael