私房菜:【高汁靚湯送到屋企!新鮮足料盆菜!】- 五味真火

新年就到喇,諗好同班親戚食咩未?唔想又去茶樓?咁一定要試下呢間網店,佢最近專門為新年炮製咗一系列盆菜,分別有奢華版、至尊版同埋豪華版,等你同屋企人食得開開心心!而佢主打嘅梗係就係佢啲老火靚湯喇,佢仲會每日都推出唔同合味,啱哂你班奄尖鬼,每個月都飲到唔同嘅愛心湯水。今個月精選一定係佢嘅花膠椰子鮑魚紅棗雲腿燉雞湯,聽個名都流哂口水。除咗唔含味精嘅靚湯之外,呢到仲可以加錢配飯,都有唔同款供應。

▲ 盆盆都好足料,有蝦、干貝、鮑魚、冬菇等等,材料多到呢!

▲ 盆茶最啱就係同一大班人一齊食,啲料足到個個都食到,例如有淮山、芋頭、燒鴨同枝竹。

▲ 花膠湯,足料燉湯,仲會熱辣辣咁送到你手,好過出面啲味精湯!

▲ 肉餅飯 (+$22),唔旦只有湯,加多少少錢仲可以配埋飯添。

▲ 新疆紅棗桂圓雪耳燉桃膠。

▲ 粒粒芒果椰汁燉雪燕,勁rich嘅雪燕配埋粒粒分明嘅茫果,見到都覺得正。

五味真火

電話:66006838 (九龍灣/觀塘/鰂魚涌)、66006838 (中環)、65425750 (灣仔)
營業時間:08:30 – 18:00 (星期一至五)

文字來源:香港人遊香港/圖片來源:@renren425、@cookiechoi_foodie、@fivefireflavour