東涌自助餐:【周末限定!蜂蜜+雜莓主題下午茶Buffet!】- 諾富特東薈城酒店

東涌呢間酒店每次推新主題下午茶主題,都令人相當期待!今次佢地以蜂蜜同酸甜雜莓,製作出唔同款既咸甜點,樣樣都又吸睛又好食!值得一試再試既一定係呢個法國鮮蜂板拼盤,質感芬芳細膩、入口又柔和又滋潤,配以4種芝士、脆口多士、雜莓乾及腰果曲奇餅,配水果食一樣美味!而甜點小編就大推森之果實拿破崙,以雜莓取代原有既芒果,酸酸甜甜完全唔膩;咸點一定要試雜莓黑醋炒牛柳,佢以快炒方式再混入意大利黑醋,發揮到牛肉既鮮甜!

▲法國鮮蜂板拼盤,特意搜羅源自法國鮮蜂蜜板,相當矜貴,配搭好多食材都好夾!

▲雜莓水果清澀酸甜,加上法國蜜糖食有另一番口味!

▲芝士有3款

▲為左今次主題,佢地仲特意選購多款果乾

▲蜜糖拼盤相當繽紛!

▲雜莓黑醋炒牛柳,以中式快炒方式處理牛肉條,加上雜莓、甜椒,再澆上意大利黑醋,牛柳軟腍入味!

▲香烤蜜糖蝦,爽口既大蝦加入蜜糖一齊煮,甜甜地幾開胃!

▲雜莓火腿羊奶芝士蜂蜜沙律,色香味俱全!

▲天多利烤雞意式香草芝脆包

▲蜜薑汁法式燉蛋批:啖啖豐富蛋香,伴入微辛既蜜薑汁,超級滋潤!

▲「莓」口希臘乳酪燕窩杯:藍莓醬汁滿滿,中和希臘乳酪原先酸味,食落好健康!

▲森之果實拿破崙,係駐場甜品師精心作品!千層酥皮牛油香,內餡吉士醬細滑,雜莓層層相間

▲除左雜莓主題甜品之外,仲有黑白朱古力噴泉呢d選擇!

「莓」口甜「蜜」週末下午茶自助餐

限定日期:2019年11月9日起,逢星期六、日及公眾假期供應
供應時間:下午 2 時 45 分 至 5 時
價錢:星期六及日 每位 HK$158/公眾假期每位 HK$178,另加10%服務費
地址: 香港東涌文東路 51 號,諾富特東薈城酒店大堂
訂座電話:3602 8808

文字/圖片來源:香港人.遊香港