大埔西餐廳:【多汁肉嫩吉列黑毛豬+大大舊龍蝦意大利飯】

呢間位於大埔嘅酒吧餐廳位置隱蔽,加上昏暗的環境超有氣氛,內有不少創意酒精飲品,啱晒一班朋友傾計吹水。食物方面誠意十足,好似吉列西班牙黑毛豬芝士漢堡,豬扒炸過後外脆內嫩又多汁,仲要中間配黑松露炒蛋,增加漢堡口感。而龍蝦意大利飯成隻上,賣相超吸引,打卡一流。

▲法式龍蝦濃湯($65)龍蝦味濃郁,口感幼滑。

▲吉列西班牙黑毛豬芝士漢堡($118)黑毛豬扒炸後依然肉嫩多汁,配上黑松露炒蛋層次豐富。薯條即叫即炸,好新鮮好脆。

▲緬因州龍蝦尾意大利飯($208)賣相超吸引,龍蝦肉質爽口結實。飯中加入玉子豆腐、勝瓜、粟米蓉和蝦乾,而且蝦乾超級大隻,夠晒香。

▲法式焦糖燉蛋配紅桑子雪葩($62)燉蛋蛋味濃郁焦糖好脆,配上酸酸的紅桑子雪葩,可以中和甜味。

▲Dr Kitty($58)用上荔枝、芒果和菠蘿汁再加乳酪的特飲。味道帶少少酸,偏甜。

▲Mojito($78)經典雞尾酒,有大量薄荷葉入口清新冰涼。

The right place

地址:大埔舊虛直街30號美利大廈地下13號鋪
電話: 2664-2211