東京景點:【黃到發光!金黃色銀杏樹滿佈東京大學!】- 東京大學本鄉校區

踏入秋冬,正係旅行旺季,好多人都會趁年尾放大假去旅行,日本就當然係香港人嘅首選目的地。秋冬嘅日本除咗有紅葉睇之外,仲有金黃色嘅銀杏。相比起楓葉,銀杏嘅觀賞期間較長,由11月至12月都可以欣賞到。東京大學本鄉校區就係其中一個好受觀迎嘅銀杏景點,金黃色嘅銀杏葉搭配校園建築物嘅環境,青春得嚟又有一股淡淡嘅哀愁,影張相扮文青呃like完全冇問題。

▲秋風送落葉,幾咁浪漫。

▲黃到發光嘅銀杏樹,淨係睇相都覺得心情特別好。

▲金黃色嘅銀杏樹係一種美,單獨一片嘅銀杏葉又有另一種美。

▲大學入面年輕人嘅青春氣息加埋漫天嘅金黃銀杏葉,美不勝收。

▲日本青春校園劇入面嘅角色成日都踩住單車,而家再加埋銀杏樹做背景,感覺實在太夢幻了!

東京大學本鄉校區

最佳觀賞時間:11月下旬到12月上旬
地址:東京都文京区本郷7-3-1
交通:地下鐵丸之內線、都營大江戶線「本郷三丁目」徒步10分、東京地下鐵南北線「東大前」徒步5分鐘

文字來源:香港人遊香港/ 圖片來源:@sueiiizikkuma_itochin.stagramjiunliegegloria0516