日本家品:【坐又得瞓又得!米奇老鼠坐墊變身成手套睡袋!】- Belle Maison

今年迪士尼有唔少為人熟悉嘅動畫改編成真人版電影,好似《小飛象》、《阿拉丁》同《獅子王》,另外仲有《反斗奇兵4》同《魔雪奇緣2》呢啲話題大熱作品。日本家具及家品品牌Belle Maison就一向都有同迪士尼合作推出唔同嘅傢俬、家品同小家電,佢嘅官網仲有專門為呢個迪士尼商品系列而設嘅網上商店Disney Fantasy Shop,先前我地就曾經介紹過其中幾款產品。今次介紹嘅係佢推出嘅坐墊睡袋,平時可以當攬枕或者坐墊嚟用,需要時就可以變成睡袋,非常方便。呢款坐墊睡袋有好多款式,包括小熊維尼、唐老鴨、鋼牙同大鼻、跳跳虎同米奇老鼠等等,其中米奇老鼠更加有特別款式,變成成睡袋時嘅外形係米奇老鼠嘅手套,非常盞鬼。

▲多款唔同嘅迪士尼坐墊睡袋,單買坐墊要11,900日元,連埋睡袋就要19,900日元。

▲跳跳虎款式嘅睡袋。

▲鋼牙款式嘅睡袋。

▲特別款式嘅米奇老鼠睡袋,打開出嚟係米奇老鼠嘅手套。

▲瞓喺手套睡袋入面,感覺好似變咗小矮人咁。

Belle Maison迪士尼坐墊睡袋

網上商店:Belle Maison

文字來源:香港人遊香港/ DesignIDK/ 圖片來源:Belle Maison