主頁 油尖旺區 旺角 旺角美食:【日本居酒屋文化旺角都有!嘆飲清酒食串燒同刺身!】- 月.火鳳燒鳥

旺角美食:【日本居酒屋文化旺角都有!嘆飲清酒食串燒同刺身!】- 月.火鳳燒鳥

今次介紹呢間旺角居酒屋同平時既居酒屋有啲分別,呢度既居酒屋營運概念係希望可以將日本文化帶到香港,跟足日本居酒屋先飲酒後食串燒概念。呢度每個季節都會提供好多種類既時令酒比客人揀,最大既特色係每晚都會有一位駐場唎酒師在場,唎酒師會幫客人配搭180ml清酒同野食,例如酒量淺既客人會幫佢地配搭較無易醉既清酒。老闆諗為好既酒要配搭適合既酒杯,因此呢度每款酒都有固定款式酒杯,同埋每款酒都有某種時令菜式配搭。呢度除左提供多款清酒外,食物質素都好高質嫁!呢度既食材大多都係日本直送到港,清酒配搭刺身或鮮魚有種鋤食既效果,因為清酒元素主要以米製成,配魚食可以突出到其鮮味,清酒鋤食呢種風味亦係老闆想帶到香港既一種文化。呢度無論裝修、食物、清酒、氣氛、服務都好高質,鐘意清酒既你絕對值得一試!

▲花: 精選刺身拼盤(四點盛  $480): 刺身左至右分別係 深海池魚、金目雕、吞拿魚赤身同油甘魚,刺身食得出好新鮮,唔會太勁雪藏味。刺身款式除左係因當時季節而定,亦都會睇當日客人揀左邊款清酒再安排款式比客人。

▲ 清酒Cocktail: 店員大推呢款,由麒麟山+抹茶酒+苦艾酒溝成的,飲落去苦中帶點甘味,呢款酒最岩再另配一d炸物食。   

▲炸白蝦($88): 炸到好脆,食落去咸味都夠,唔會太淡而無味,呢款小食扲黎送酒一流!

▲時令秋酒配九曲燒杯,杯係老闆係名古屋金澤買,而呢隻酒係通常用作常溫熱飲,而酒既層次亦可以由凍飲到熱飲,係一款純清酒。     

▲吉列廣島蠔 +自家制炸汁: 炸蠔一份有四粒,每粒都大大粒,炸粉唔算多,炸到好鬆脆!

▲汁煮南瓜: 食材既南瓜係由日本入口,煮到好林好入味,就算連南瓜皮都可以食埋。個汁係由日本酒+醬油+味醂(煮野食時用的清酒)煮成的,味道好特別。

▲串燒(左至右):雞心$40、雞胸軟骨 $40、明太子醬免治雞肉串 $48、雞頸肉、雞腎 $40。串燒食落辣辣地,因為落左七味粉燒,好惹味。

▲櫻花蝦炸豆腐($68): 炸豆腐上面有足夠櫻花蝦,炸豆腐一共有四舊,每舊都入晒甜醬油味。    

▲餐廳上層有36個座位,裝修好靚好特別,係以塌塌米座位為主,呢度有時仲會舉辦一啲唎酒師活動,又或者可以包場搞品嚐清酒活動,當晚會有七款唔同清酒鋤食。裝修較為日式╴希望令到客人由環境同氣氛都好似身處在日本咁。    

▲每晚都會有一啲特別同限量既菜式,廚師會幫手寫係黑板上面,唔會係餐牌寫出黎。主要係睇師傅係日本入左啲咩新鮮同特別食材,就會諗咩菜式,簡稱為每日時令菜。     

▲鋪頭門口有投影射特唔同日本景色係牆上,小編今次去既係櫻花景色。而牆櫃入擺滿唔同款式同特色既清酒樽,清酒迷一定有興趣!     

▲下層係酒吧座位,有個開放式廚房比客人睇住廚師燒串燒,店員都好樂意同客人傾下計,討論下清酒。    

▲ 門口設計好有特色,而招牌上既logo就係代表月亮,意思是收了工時應該要放鬆下,老闆希望客人可以藉著品嚐清酒同美食,將香港工作既忙碌中可以放鬆一下。

▲餐廳現時做緊Facebook/ Instagram優惠,打卡就可以送燒物一份。   

月.火鳳燒鳥

地址:旺角白布街2-24號藝興大廈地下9號舖
營業時間:星期一至日 18:00 – 03:00
電話:24582378

文字來源/圖片來源:香港人.遊香港

熱門文章

尖沙咀美食:【尖沙咀親民價食Omakase!平歎12件廚師發辦壽司+食材由日本直送!】- 神樂

呢間位係尖沙咀的壽司店,主打Omakase、刺身、壽司等日式料理。食材由日本北海道、豐州、九州等不同市場飛機直送,好似有拖羅、松葉蟹、海膽、赤貝、深海池魚、姖鱒魚等,夠晒新鮮時令而且價格定位好親民....

尖沙咀美食:【色彩繽紛傳統加創新尼泊爾餃子!必食海南雞餃+日式咖喱吉列雞餃!】- Momoz

呢間位於尖沙咀的餐廳是專賣尼泊爾餃子,餃子即叫即蒸,以蒸籠直接上枱。除了有傳統的雞肉、羊肉餃子外,呢到仲有不少加入了亞洲味道的創新餃子,好似海南雞餃、日式咖喱吉列雞餃、叉燒餃等。

香港好去處:【全新露營熱點登陸將軍澳!同樂高®人仔一齊玩!獨木舟+釣魚+營火會+露營車】

今個暑假港鐵旗下6大商場與樂高®攜手合作為大人小朋友帶來「LET’S EXPLORE LEGO CITY 樂遊城市AT MTR MALLS」首次大型跨區主題活動,青衣城、德福廣場、PopCorn、The LOHAS康城、杏花新城及綠楊坊由7月中起將分別以1:25比例設計出不同主題的樂高裝置,向粉絲呈現6個別具特色的趣味場景。

尖沙咀美食:【日本白桃甜品系列返嚟啦! 原個白桃牛奶雪糕+原個白桃紅莓杏仁撻!】

呢間甜品店每年夏天都推出一系列白桃甜品,今年白桃系列已經回歸。白桃採用譽為日本「桃之鄉」山梨縣的白桃,桃肉味道香甜肉質爽滑又多汁。

香港好去處:【堅尼地城天空之鏡!無敵海景點影都有feel 24小時開放 打卡休憩拍拖親子好地方】

海濱長廊向來是香港人的好去處,而呢個位於堅尼地城的卑路乍灣海濱長廊有極靚海景,配合黃昏陽光仲可以影到「天空之鏡」,打卡一流!海濱長廊有172米長,維港的風景一覽無際。地方十分新淨,2020年10月才正式開放,木系地板、椅子⋯⋯

STAYCATION:【人氣打卡酒店!人均$599!必住CORNER ROOM!270度景觀+落地玻璃窗!】

太古集團旗下的香港東隅酒店早前被徵用為國泰防疫酒店,但隨香港政府逐步放寬新冠肺炎航空業防疫措施,酒店終於可以重新對外開放,俾大家打卡。酒店最受歡迎的是Corner Room,Corner Room 設有兩種,分別是坐擁維港海景和城市景觀的客房。
Close Bitnami banner
Bitnami