fbpx

主題公園:【聖誕迪士尼浪漫飄雪舞會!Frozen/米奇/Duffy主題商品!】- 香港迪士尼

今年香港過聖誕好似冇乜氣氛咁,趁聖誕放自己一個break,抽離下你就會發現聖誕係個好機會放鬆下!入到黎可以參與到冬日飄雪、聖誕舞會、巨型聖誕樹、聖誕盛宴!

18米高巨型聖誕樹 + 米奇米妮聖誕樹

要數聖誕佈置中最曯目,一定係呢個位於美國大街小鎮既18米高聖誕樹。上面掛滿左聖誕裝飾同LED燈飾,無論日頭定夜晚都咁有氣氛,打卡必到!另外係城堡前仲有一棵掛滿左迪士尼卡通人物既可愛聖誕樹,仲可以同埋米奇米妮合照添!

▲日頭聖誕樹雖然LED燈飾未亮,但一樣係打卡熱點

▲夜晚聖誕樹亮左燈就更有氣氛,非常浪漫

▲大家千祈唔好漏左呢棵有埋米奇米妮既聖誕樹啊!

同迪士尼人物合影

黎得迪士尼又點少得同卡通人物合照呢?除左米奇米妮必影之外,其他迪士尼成員都會齊齊出動,同大家合照同互動,非常鬼馬

▲米奇一早就已經著起晒聖誕套裝,等大家黎搵佢地影相

▲Cookie Ann

▲同史迪仔合照!

▲夢想花園《魔雪奇緣》小鎮會搵到Anna 同Elsa!

米奇與好友聖誕舞會

聖誕活動的重頭戲,就係呢個大型音樂盛會。米奇同一眾卡通朋友,聯同合唱團歌手將會係大舞台上載歌載舞,帶來多首經典聖誕歌,令節日氣氛推至高峰,非常有睇頭!要企前排睇得清楚D,建議大家早少少去霸定個靚位啦!

▲米奇米妮貴為主角,出場後帶頭唱聖誕歌

▲台上jam歌唱得開心,氣氛超high

▲唐老鴨都黎左湊熱鬧,但你又聽唔聽得明佢地唱咩?

▲雪人朋友肥嘟嘟咁勁可愛,但都一樣跳到舞架!

▲著晒紅紅綠綠聖誕情佀裝,係舞上載歌載舞

《魔雪奇緣》飄雪時刻

今年新增既項目《魔雪奇緣》飄雪時刻藉Frozen 2上畫,以冰雪魔法同歌舞加上場地限定既漫天紛飛飄雪,全情投入迪士尼冰雪國度,歡度白色聖誕!

▲大家期待已久既Elsa,一出場已經有唔少朋友仔歡呼!

▲Elsa、Anna同olaf一齊合唱經典歌曲Let it Go!即時引起全場大合唱!

夢想成真聖誕樹亮燈儀式

玩到咁上下時間已經黎到黃昏,入夜就要為聖誕樹舉行亮燈儀式了!利用掛係聖誕樹上既LED燈做出多種不同效果,令聖誕樹更加五光十色!亮燈儀式同時,場內都會開始飄雪。雪花就好似真雪咁落在大家頭頂,氣氛甚為浪漫夢幻。

▲聖誕亮燈儀式時,LED燈會變換成唔同顏色,影極都咁靚架

▲好多人都趁show完飄雪效果同聖誕樹!

迪士尼聖誕主題周邊品

係小鎮大街兩旁既精品店,有一系列以聖誕為主題既紀念品、聖誕服飾等等。適逢今年亦係迪士尼90周歲生日,商品店亦推出很多90周年款既周邊。大家真係可以玩到眼花、買到手軟了!

▲小朋友抗拒唔到既聖誕套裝,紅噹噹超級節慶!

▲小鎮大街既商店有好多聖誕樹既裝飾!今次有勁多Frozen既掛飾!

▲Frozen公仔

▲Frozen主題服飾

▲Frozen主題手袋

▲Frozen-Olaf鎖匙扣

▲Frozen-咕𠱸連被!

▲TSUM TSUM系列-已經換上新既聖誕裝!

▲TSUM TSUM系列-Duffy & Friends

▲Chip n Dale

▲米奇老鼠同一眾朋友

▲10 款nuiMOs系列公仔,部份更換上聖誕服飾!

▲nuiMOs」,呢個名由係日文「公仔」同「模 特兒」兩個字組合而成,可以做好多動作好得意!

▲米奇冷帽

▲米奇口水肩

▲閃亮系列銀包、頭飾

▲史迪仔亮燈公仔

購買一雙價值港幣119元的「米妮星願耳朵」,香港迪士尼將捐出港幣50元予願望成真基金

心願明信片+投寄

聖誕版明信片,可以比大家寄比朋友分享係迪士尼既喜悅。明信片仲可以蓋上聖誕特別版既印章,再將明信片放入旁邊既郵筒就真係可以寄出架!

▲旁邊就有筆同埋聖誕特別版印章,比大家即時製作明信片

▲再將明信片放入旁邊既紅色郵筒就得啦

香港迪士尼樂園

活動日期: 2019年11月14日 – 2020月1月1日
時間:10:30-20:00

文字來源:香港人.遊香港/圖片來源:香港人.遊香港

Close Bitnami banner
Bitnami