fbpx

遊台灣:【新竹聖誕亮燈!Cute爆薑餅人+圓碌碌聖誕老人!】- 新竹遠東巨城購物中心

除左新北耶誕城,而家連新竹都有巨型聖誕裝飾啦!新竹最大既商場巨城big city,位於1樓既噴水池廣場放置左巨型聖誕樹,近日都已經完成左亮燈儀式,每晚5點準時亮燈!聖誕樹以藍色為主調,配以幾十個七彩繽紛的既燈球,以光影構成,營造出熱鬧既氣氛!旁邊仲有薑餅屋同薑餅人,係經典既聖誕主題,仲有圓碌碌既Q版聖誕老人陪你過聖誕添,雖然範圍唔大但都好有氣氛!而同時巨城big city都進行一年一度週年慶大優惠,由11月28日至12月9日黎big city購物仲有意想不到的優惠添!如果去厭左台北,不仿去左新竹市shopping兼感受聖誕氣氛啦!

▲全新竹最大既SHOPPING MALL巨城BIG CITY都已經開始左聖誕裝飾啦!七彩繽紛既燈球十分搶眼!

▲聖誕又點少得聖誕老人、麋鹿等等陪你過聖誕!

▲旁邊仲有肥嘟嘟既聖誕老人等等裝飾,好可愛啊!

▲糜鹿同鹿車都換上左聖誕裝,夜間亮燈後更有氣氛!

▲以薑餅人為主題既聖誕裝飾,連商場室內都有架!

▲巨城big city有個巨型噴水池都好靚,配合埋而家既聖誕裝飾,打卡一流!

Big City遠東巨城購物中心  聖誕節亮燈

地址:新竹市東區中央路229號
時間:星期一至四 11:00-21:30 / 星期五、六 11:00-22:00

文字來源:香港人遊香港/圖片來源:IG

Close Bitnami banner
Bitnami