大埔果汁:【#真香港人小店!低調耕耘良心椰子汁小店!】- Joe椰

呢間小店雖然未有設置連儂牆搶fo,但就由6月已經開始默默支持反修例行動,更多次罷工以示支持。行動就係以實力同誠意製作飲料同食物回應大家對佢愛戴同支持!呢間小店以新鮮慢磨椰子汁最主打,飲料都係純天然同無添加。唔係咁like椰子汁,呢度都有賣純天然鮮打果汁,組合配搭同時會賣一d特式糕點好似薑汁糯米糍、椰汁班蘭卷、薑汁桂花卷、黑芝麻卷等。

▲小店以椰子汁做主打!新鮮馬來西亞或泰國椰子,係由老字號供應商甄想記取貨。

▲鮮榨椰汁($20/杯)係用慢磨果汁機製作,即叫即整!成品色白如玉,入口香醇,清甜清涼解渴

▲除左椰汁之外,仲有多款果汁!好似羽衣特飲2.0、牛油果特飲等。

▲唔同既果汁擺放一齊都格外醒神!

▲三色糯米糍

▲薑汁糯米糍、椰汁班蘭卷、薑汁桂花卷、黑芝麻卷

Joe椰

地址:大埔安富道9號B2地舖

文字來源:香港人遊香港/圖片來源:@yulandaeatinglife