fbpx

遊台灣:【新北聖誕燈城8大打卡位!夢幻燈海隧道】- 新北耶誕城

每年聖誕全台灣最具規模最盛大既「新北耶誕城」又返黎啦!位於板橋既「新北耶誕城」橫跨板橋車站到新北大樓一帶,多個夢幻燈海隧道、光雕燈飾、聖誕樹等等,形成多個主題燈區!其中有八大打卡位你一定要知!

打卡位一:雷射光雕聖誕樹

板橋市民廣場樹立左一座獨特既「聖誕樹」,利用左3D光雕效果,投影出豐富既視覺效果!燈光SHOW範圍仲伸延到旁邊既板橋車站同新北大樓,營造出全方位、多層次既立體環迴燈光效果!

▲「耶誕主燈秀」以3D光雕效果,投影豐富視覺效果,營造出夢幻聖誕氣氛~

打卡位二:紫戀光廊

講到浪漫就一定唔少得浪漫既燈光隧道!呢條超夢幻既燈光隧道,用左數以千計既紫色小燈泡整成,燈泡仲係蒲公英形狀添,浪漫飄揚!

▲短短既隧道用左數以千計既小燈泡,打造成紫色夢幻燈海~

▲再近睇D原來燈泡係做成蒲公英形狀,就好似雪花飄落咁

打卡位三:變色光廊

除左紫色隧道,通往另一主題區「深海奇緣」既另一條隧道,就用左變色燈光效果!Tiffany blue同金黃色燈光輪流轉換,令人有置身於夢中既錯覺!

▲Tiffany Blue將成個隧道染成淡藍綠色

▲仲未黎得切影,燈光就已經漸漸換成金黃色,氣氛一下子由浪漫變成溫馨,打卡一樣咁靚!

打卡位四:深海奇緣

另一主題區以深雪奇緣為題,呢度以海洋藍色為主調,有造型獨特既立體海洋同冰柱光廊!利用燈光變色效果,營造出立體同動感既海浪!

▲呢座造型獨特既燈飾,其實係想營造海浪既感覺,隨著顏色轉換,就好似海浪拍打埋黎一樣有動感!

▲係天橋上垂墜既冰柱,好似雪花,令呢個冰柱光廊頓時變成極寒地區一樣,好有氣氛!

打卡位五:魔法森林

位於站前廣場既魔法森林,有一顆六公尺高既大樹,營造沐浴於森林既暢快同動感!樹上既光影變化,令大樹充滿生命力!

▲呢個造型獨特既大樹,仲有垂吊既星星,好有生命力!

▲呢顆其實好似一顆聖誕許願樹,充滿神奇感!

打卡位六:繽紛海洋泡泡

用左無數以藍色為芣調既小燈泡,營造出繽紛海洋既感覺!

▲係天橋上垂吊左無數小燈泡,抬頭就可以見到一片藍綠海洋!

打卡位七:光影迷宮

係廣場另一邊就有用多個盒子做成既光影迷宮,上面仲畫左好多童趣既畫,小朋友一定玩得好開心!

▲光影迷宮用左燈光科技融合左繪畫藝術,營造出大型迷宮原場,奇趣特別!

打卡位八:旋轉木馬

聖誕浪漫之最又點少得旋轉木馬!配以白馬同燈光,童年回憶返黎啦!

▲旋轉木馬大人細路都愛,浪漫打卡就最岩!

新北市歡樂耶誕城

地點:新北市市民廣場 X 板橋車站站前廣場 X 萬坪公園
日期:2019.11.15~2020.1.1
時間:17:30 – 22:00 逢整點及半點鐘準燈光秀

文字來源:香港人遊香港/圖片來源: Instagram

Close Bitnami banner
Bitnami