油麻地甜品:【打卡新寵全天然椰子碗!鮮果/桃膠碗健康養顏!】- 椰子日記

椰子貴為”超級食物”,可以降膽固醇兼養顏,呢間新開冇耐既小店就以椰子做成甜品,包括椰奶同椰子汁,標榜自然無添加糖,但做出黎既甜品一樣香濃而且健康!「招牌原味椰凍」雪凍成啫喱狀,食落啖啖都係椰子香,仲食到椰子肉,口感一流!另外養顏既「甜蜜桃膠椰凍」就岩晒女士,每一啖都食到煙靱既桃膠,非常足料!想消暑D既仲有各款鮮果椰子碗選擇,色彩鮮艷得黎又夠健康,其中新出既「冰島藍椰子碗」,用左菠蘿、藍莓同香蕉做基底,面上仲有椰粒、椰蓉以同烤椰片,口感豐富而且仲好岩打卡添!

▲「招牌原味椰凍」(HKD$39) 以純椰奶加上椰子水所製成果凍,有香濃椰子味,天然又健康!

▲有多款鮮果椰子碗選擇,圖中為「黃金海岸椰子碗」(HKD$50) 有菠蘿同芒果做底,酸甜又消暑!

▲想食得更健康養顏,呢款「甜蜜桃膠椰凍」(HKD$52) 就更岩各位女士!而且桃膠一D都唔少,啖啖都食到桃膠,加上椰子肉,夠晒天然!

▲新出既「冰島藍椰子碗」,用左新鮮既菠蘿、藍莓同香蕉做成沙冰底,面上鋪滿椰粒、椰蓉以同烤椰片,非常創新特別!

▲除左椰子碗又點少得飲品!有各種椰奶飲品,而呢款「椰奶藍水晶」(HKD$35)就係鮮榨椰奶中加入左藍色既果凍,健康得黎打卡都一流!

椰子日記

地址:油麻地彌敦道518-520號彌敦行地下B舖
營業時間:11:30 – 23:00
電話:62128907

文字來源:香港人遊香港/圖片來源:@coconutdiary__official、@msanniefong、@gastronomic_journey

Close Bitnami banner
Bitnami