fbpx

台灣限定景點:【8萬朵向日葵!一望無際嘅台灣桃園花海!】- 新屋禾山田花季2019

台灣桃園嘅韭菜花季啱啱結束,隨即又嚟到向日葵盛放嘅時期。桃園新屋有一塊面積大約2公頃嘅向日葵花田,位於五穀神農大帝青銅像嘅後方,當中特別開闢咗一條賞花田徑,民眾可以沿住呢條花田徑免費參觀花田。入面嘅每一朵向日葵都經過農夫嘅悉心照料,生得又高又挺,就算一個成年人企喺入面,都幾乎會被花海所遮蓋,非常壯觀。不過,欣賞同埋影相打卡嘅同時,都不忘要好好愛護環境,千其唔好任意踐踏田地或者亂拋垃圾,咁先唔會糟蹋農夫嘅一番心血!

▲成大片向日葵花田一齊綻放,實在非常莊觀,而且每一朵向日葵都得得又高又挺,小朋友嘅話大概會被掩蓋喺花海入面,帶小朋友去嘅話記得要睇實呀。

▲向日葵開得非常燦爛,有賴一班農夫日灑雨淋好努力咁照顧呢片花田。

▲黃色嘅向日葵花海配一片藍天白雲,環境非常寫意。

▲除咗向日葵之外,當然都會見到一隻隻小蜜蜂喺花朵上面採花蜜。

▲向日葵經常直面太陽,當然都要帶返副太陽眼鏡。

▲ 欣賞美麗自然風景嘅同時,都要記得好好愛護環境。

桃園新屋向日葵花田

地點:桃園新屋(五穀神農大帝青銅像後方農田)
開花時期:10月中至月底
停車:新屋長祥宮前廣場(327桃園市新屋區長祥路1096號)
費用:免費參觀

文字來源:香港人遊香港/ 圖片來源:@pow_lingling0314_flyhappygo56yuchun710yuhong.ye.7

Close Bitnami banner
Bitnami