遊台灣景點:【期間限定浪漫九月雪打卡!桃園大溪白雪韭菜花海!】- 大溪韭菜花田

每年9至10月初,桃園大溪區都會種植雪白花海既韭菜花,綠油油田地覆蓋上白雪,非常治癒。往年都係黃色小屋既位置,今年就有新既風景,新既地方占地400公頃,花田位於陳五常祠堂附近,韭菜屬於多年生草本植物,一年四季皆可採收,依家漸入秋天正合賞花既季節,白色韭菜花盛開,白雪既韭菜花非常浪漫,有九月雪之稱。韭菜花海時期唔長,只可持續到九月底左右,大家咁岩plan左去台北既可以排埋入行程,把握時間賞花,留住最美一刻。

▲白色小花滿開,韭菜從幼苗到播種半年後即可收成。

▲走入白色小花花海係指定動作!

▲大溪大鶯路因此種出咁靚既韭菜花,全因石門水庫清澈水質同肥沃既土壤,栽培出韭菜味道特別濃郁。

▲遇到夕陽西下既時分,雪白既韭菜花係夕陽斜光染上一層金黃色

▲韭菜花形狀好似一把撐開既雨傘

大溪韭菜花田

開花時期:9月中至下旬
交通:大鶯路1320巷,或是導航設定陳五常祠堂
搭乘火車及公車-火車搭至鶯歌站,轉搭桃園客運5101號,於中新站下車往前走會看到大溪農會

文字來源:香港人遊香港/圖片來源:@travelnowway、@yahui615、@tree_love520、@wenfang.w