葵芳小食:【葵廣最正撈麵小食店!火焰Mozzarella芝士咖哩火腿麵!】- 潮食閣

葵涌廣場一向都好多正野食,今次介紹呢間正得黎個價錢又抵食,仲要係1間良心小店,最近曾經有優惠比學生添!呢間小店係主打炸物同撈麵,全部小食都係即叫即製作,食落去熱辣辣! 而d小食好多都係創新菜式,食落去既味道都幾特別嫁! 店鋪門口會有塊板寫低餐廳最熱賣係邊幾款小食,分別第1位係極邪惡芝士拉絲棒、第2位係招牌炸鮮奶、第三位係我是原隻軟殼蟹(巨型)、第四位係韓式熱狗棒、第五位係韓式炸雞粒,諗唔到食咩小食可以參考下呢個排行榜。最後,去開葵廣而又唔知食咩既你地,試下呢間幫襯佢地講句加油!

▲招牌炸鮮奶($26 7粒):炸鮮奶外皮脆入面餡好軟滑,另外仲可以揀煉奶或朱古力醬。

▲韓式鳥冬熱狗棒($20一條):呢個係先將烏冬炸完然後包住腸仔,個腸仔脆皮腸,而醬汁有幾款揀。

▲火焰Mozzarella芝士咖哩火腿麵 ($28):如果驚1個唔夠飽都可以另外加餸,咖哩味同芝士味出奇地好夾,食落去好惹味。

▲火焰芝士地獄火腿辣麵($28): 呢個係即叫即製作,大約等侯時間要10分鐘。食得辣既先好叫呢個呀,辣度可以自行選辣度,分別有大/中/小辣,而呢個同樣都係用Mozzarella芝士製到拉絲,1個人食1份都好飽嫁啦。

▲店外貼了好多小食照片,路過確實會比照片吸引到想食!

潮食閣

地址:葵芳葵富路7號葵涌廣場3樓TOP世界3069-T23-T25號舖
營業時間:12:00 – 22:00
電話:95658508

文字來源:香港人.遊香港/圖片來源: @yummycornerhk