今次介紹呢間新派冰室同傳統冰室好唔同，餐牌上既菜式都比較有特色，大多以中西合壁為主。呢間冰室已經一共開了5間分店，今次介紹既係紅磡分店。望住餐廳餐牌款式多到都唔知點選擇，夜晚時除了晚餐、鐵板餐、客人更可叫英式早餐和常餐添! 呢度既美式鐵板餐最受客人歡迎，平均大約$75-$95一份鐵板套餐，客人可以選擇意粉/白飯/薯菜，亦有幾款醬汁選舉，呢個價錢仲包埋餐湯加飲品，所以係晚飯時間會見到好多客人都叫呢個套餐!點解話呢間性價比高呢? 就係因為呢度既食物唔係太貴，份量又好多，味道亦都唔錯，所以呢間冰室成日都要等位嫁!
▲紅豆朱古力醬西多士($32): 西多士炸到金黃色，食落去好脆! 一開始仲以為會係紅豆餡，點知原來只放紅豆粒喺西多士上面，呢度有少少失望。但味道分別確實唔錯，紅豆配埋朱古力醬食落唔會好甜，原來呢個組合都幾夾!
▲美式鐵板餐-至尊海鮮($90):海鮮配料包括青口、蝦球、炸龍利柳、魷魚圈、帶子。 龍利柳炸到好脆好香口，而蝦球係本身先煎過，好味!
▲美式鐵板餐-星級雜扒餐($95):店員扲住個鐵板黎時比個份量嚇死，好大份!配料分別有西冷扒、雞扒、英式腸仔、煙三文魚、炸帶子。呢個鐵板今次選了意粉，每個鐵板套餐都跟咖啡或茶和餐湯!
呢個價錢要咁既份量去西餐廳食應該起碼要100蚊以上!
▲傳統英式早餐($68): 呢個雖然個名係叫早餐，但每日11點後才供應。配料相當之豐富，分別有炒蛋、德國腸、煙三文魚、煙肉、芝士大蘑菇、薯餅、焗茄汁豆、多士。
▲雪菜肉絲米粉常餐($37): 常餐全日供應，另配3.6北海道牛乳炒蛋加厚多士。
龍門冰室-紅磡分店
地址:紅磡寶其利街47號銳光中心地下
營業時間:星期一至日 06:00 – 00:00
電話:23252686
文字來源：香港人.遊香港／圖片來源：@the_foodie_g、@food_stoppp、@fly___2222、@ka_karen_0805