大角咀cafe:【大角咀主打創意菜色!必食煙燻燒春雞釀香菇/蟲草花/中東米!】- Easy Joe

大角咀一向都係搵美食既好地方,今次介紹既呢間cafe係一間裝修以工業風格為主,門口掛了唔少乾花,當你經過呢間cafe時,會好自然咁想睇下佢既menu係食d咩!呢間午餐menu得8款選擇,每月更換餐牌一次,而晚市menu選擇會較多,包括沙律、小食、漢堡包、意粉、Pizza、甜品、牛柳、燒春雞、豬肋骨等。咁多選擇淨係諗食咩都係一種困難,要留意既係呢間不設信用卡付款同埋呢間無加一收費,而呢度既服務質素好唔錯嫁!

▲煙燻燒春雞釀蟲草花香菇中東米($268): 呢款菜式係每日限量嫁!由於係即時製作加需時間煙燻,需等候時間約25-30分鐘。燒春雞入面釀左大量既蟲草花同中東米,第1次食中東米,食落去口感唔會太黏,幾特別!

▲泰式軟殼蟹香烤菠蘿酸青瓜漢堡配薯條($168):個漢堡份量好大個,軟殼蟹炸到好香脆還配搭了泰式酸辣汁,漢堡中間仲加塊菠蘿、蕃茄、沙律菜,好豐富!

▲片皮鴨刈包($78): 個包個醬汁係店主自己調製,食落去唔會太咸或無味道,而包入面夾住d肉質食落去都幾嫩!

▲原條鏝魚蛋包飯($158):鏝魚長度同隻碟1樣長同埋肉好厚身,炒蛋又滑,蛋撈埋鏝魚汁成個鏝魚飯好好食!

▲二世祖超級窩夫配雪糕($88):窩夫份量好大,兩個人食好飽! 建議食到最好仲未好飽先好叫!

Easy Joe

地址:大角咀福全街18號地舖
營業時間:星期二至日12:00 – 16:30/18:00 – 22:30
電話:25060638

文字來源:香港人.遊香港/圖片來源:@easyjoe_hk、@karr_ho