太子美食:【#真香港人小店!太子開左間青花瓷主題Cafe!必影青花瓷磚打卡牆!】- 青花亭

今次介紹呢間Cafe裝修風格很特別,富有中國特色向青花瓷作主題,店內掛了青花瓷磚牆,廚具全用青花瓷碟。呢間Cafe雖然裝飾擺設富有中國風,但食物大都是西餐,而All Day Breakfast 亦用一個蒸籠裝住,是一間中西合壁Cafe!店內會播放住古典風音樂,岩晒同朋友黎傾計,飲下野Relax下!早前太子站有反修例活動,餐廳仲請有需要既朋友食飯,而且亦有參與過去罷工,相當有心!

▲避風塘風味脆烤保雲蘇羊架($188):羊肉炸到個皮好脆,羊肉唔係好蘇,食落去少少辣!

▲新鮮大蜆白酒扁意粉($148):每隻蜆都好新鮮大隻,意粉好入味!

▲大蒸籠早餐($148): 其實姐係All Day Breakfast,內有脆煙肉、炸薯餅、炒蛋、炒蕃茄、大啡菇、煙三文魚……但外形用蒸籠,岩晒打卡用!

▲海灘Yogurt Bowl ($68): 呢個係原味乳酪加上雜苺,食落去好開胃,外形真係岩晒用黎打卡!

▲店內有一個打卡位,客人可以係呢度一次影晒白圓拱、復古吊燈和青花瓷磚。

青花亭

地址:太子荔枝角道113號五華樓地舖
營業時間: 12:00 – 22:00
電話:35903457

文字來源:香港人.遊香港/圖片來源:@binsasa_@mabkitchen.mab、@aobana.hk