旺角自助餐:【全港首次大富翁聯乘自助餐!冰鎮海鮮/棋子蛋糕/香煎鴨肝!】- 帝京酒店

呢間酒店buffet出名性價比極高,經常有唔同主題既食物,今次就暑假聯乘孩之寶 旗下既大富翁,製作出唔同主題佳餚美點,一入到去已經充滿大富翁歡樂既氣氛喇!食物主題以幾個highlight分為唔同區域,代表太平山既青胡椒牛油忌廉火炙龍蝦、代表尖沙咀既香煎鴨肝伴多士、代表蘇豪區既新鮮生蠔,甜品方面,選擇都非常多,黑莓紅桑子朱古力蛋糕、朱古力軟心撻等仲會化身大富翁棋子,一家大細仲可以一路食一路玩!食完仲會有機會贏取多款大富翁遊戲及即將於山頂開幕既全球首間大富翁夢想世界主題館入場門票,真係好吸引!

▲一黎到食buffet,每位客人就可以得到「機會」卡一張,換取指定4款美食既其中一款-梅酒冰鎮鮑魚、 和牛荷葉包、鮑汁鮮菇花膠扒或籠仔蒜蓉蒸蝦。

▲食buffet又點少得海鮮拼盤呢?代表蘇豪區既冰鎮海鮮,包括生蠔、松葉蟹腳、太平洋熟海蝦、龍蝦鉗。

▲代表中環區既了燒羊鞍、燒美國肉眼,兩者焦香肉嫩多汁。

▲香港仔區既避風塘豉椒花甲,以新鮮花甲加入青胡椒一同快炒, 香氣十足。

▲尖沙咀最有代表性就係諾士佛臺,油份十足既香煎鴨肝入口即化。

▲代表旺角既有林林種種既甜品,最矚目一定係朱古力劇院蛋糕,成架巨型版汽車棋子座落於傳統劇院蛋糕之上,外型相當吸引,入面仲會有大富翁棋子朱古力及橡皮糖充斥車身內!

▲杯子蛋糕

▲黑莓紅桑子61%朱古力蛋糕係利用朱古力慕絲,包裹了紅桑子啫喱、黑莓慕絲及朱古力海綿蛋糕。

▲縮細版既大富翁蛋糕!黃梅檸檬白朱古力蛋糕,細緻程度連「機會卡」、「公 益福利卡」、骰子、旅館等也能食用

▲香橙松露朱古力蛋糕及500遊戲紙幣就係口味清新既熱情果芒果芝士慕絲蛋糕都非常切合主題。

花月庭 x 大富翁自助晚餐

電話:2622 6154
地址:九龍太子道西193號帝京酒店2樓
訂位詳情:http://bit.ly/2ZSlwdC