連鎖日式食店:【日本直送長崎時令魚鮮!必食紫蘇池魚卷!】-千両

日本直送!長崎伊佐木刺身+時令魚鮮紫蘇池魚卷

呢間日本料理餐廳係開業以嚟大受香港人歡迎,菜式嘅選材都係日本嘅當造食材,而今個夏日推出咗一系列時令漁產嘅刺身壽司,係豐州漁市場搜攞長崎伊佐木魚、池魚和北海道嘅北寄貝和香魚。利用食材嘅配搭和烹調,將漁產嘅原味道呈現。伊佐木刺身配搭粒粒飛魚子,香滑度提升,肉質鮮美。甜品方面有沖繩菠蘿批配海鹽雪糕,菠蘿係嚟至石垣島,非常多汁,雪糕更係必食,每一啖係先奶香後散發淡淡輕微嘅咸味。


▲伊佐木刺身($108),嚟至長崎縣嘅白身魚,油脂含量適中,入口味道帶有香滑魚鮮味,口感軟腍,連埋飛魚子一齊食,特出伊佐木獨有嘅鮮甜味道

▲池魚壽司2件($50),池魚係6-8月盛產係東京灣至九州一帶,肉質爽脆帶脂香,用薑蔥和柚子胡椒上菜,令賣相大大提升

▲牛油燒鮑魚($158),用本菇、露荀仔、冬菇同鮑魚一齊切碎,再用牛油快炒。火候控制恰到好處,唔會有過熱造成靭到咬唔到


▲紫蘇池魚卷($58),用醃蘿蔔、水菜、新鮮紫蘇菜同池魚一齊卷起,池魚係時令魚鮮之一,非常肥美,加咗紫蘇葉可以中和魚嘅油膩感


▲鹽燒子持香魚($68),選用日本北海道至九州一帶嘅子持香魚,魚身充斥好多魚春,經過香煎令肉質鮮味大大提升


▲鹽檸檬日本雞肉鍋($88),入面有豆腐、王菜、水菜和大蔥等等慢煮,每一啖湯除咗飲到雞肉和微微嘅檸檬酸,都有蔬菜嘅精華


▲沖繩菠蘿批配海鹽雪糕($58),菠蘿來自日本沖繩石垣島,非常多汁,微酸中帶有點甜味。利用高溫焗到微焦,個批達到外脆內軟。另外海鹽雪糕嘅鹹味食落係慢慢散開,非常清新

「夏之餐目」
地址:千両全線分店
供應日期:即日起至8月下旬
————————————
圖片及文字來源:香港人遊香港

Close Bitnami banner
Bitnami