樂富海鮮/火鍋/甜品:【樂富廣場滋味回歸!海鮮大餐/牛肩肉邊爐放題/白玉刨冰雪糕】- 樂富廣場

樂富廣場滋味回歸!海鮮大餐/牛肩肉邊爐放題/白玉刨冰雪糕

樂富廣場裝修完之後,多左幾間人氣食店,小編今日嚴選當中3間食店,包括有適合大班人聚會既海鱻城,預訂城中海鮮如胡椒蟹、蟶子,一家人飲啤酒食海鮮共聚天倫;至於倆小口打邊爐就最好不過,原來樂富呢間係全港唯一設有炸物自助區同刺身放題;兩三閏蜜,不妨去性價比幾高既抹茶館,7月仲有最新日式叉燒丼配自家製辣蝦油,當然唔少得吸睛十足既打卡甜品-夏彩蕨餅白玉刨冰。

家庭/朋友聚會之選!終於唔駛山長水遠入西貢食海鮮!

係樂富商場新開一間主打海鮮嘅酒家,大多數嘅海鮮係來自西貢,呢間酒樓老闆係海鮮專家,款款海鮮CP值高,烹調方式相當考功力。重點推介胡椒蟹,選用菲律賓紅樹林蟹,用海南島胡椒、乾蔥和洋蔥炒,味道火喉十足,充斥胡椒香味同時又保留肥美嘅蟹肉鮮味。另外仲有豉椒炒蟶子、椒鹽鮑魚、瀨尿蝦和海星斑等等。


▲胡椒蟹,一隻有2斤左右,蟹係來自菲律賓紅樹林,肉質肥美厚肉,帶有微微海水味。用海南島胡椒粒、乾蔥和洋蔥爆香炒,火喉十足,味道品嚐先有淡淡胡椒,後有蟹肉嘅原汁原味


▲椒鹽鮑魚,選用青島鮑魚,用日本方式飼養,肉質爽口彈牙。烹調方式相當複雜考功夫,先用高溫蒸後處理清洗鮑魚,即用高溫速炸,精準控制油炸時間,令鮑魚外脆內軟


▲豉椒金不換炒聖子,用豉椒炒煮法,提升蟶子爽甜鮮味


▲避風塘瀨尿蝦,加入秘製醬料炒,充斥鹹辣蒜香,肉質鮮甜結實既彈牙。


▲乾坤海星班,來自菲律賓進口嘅東星斑,用兩款烹調手法,一邊椒鹽香炸,一邊炒斑球,肉質非常肥美香滑,魚鮮味十足

海鱻城

地址:樂富聯合道198號樂富廣場二期UG2樓U206-U209號舖
電話:26880908
*所有海鮮菜式價錢按市價計算

倆小口最岩打邊爐!唯一一間設有炸物自助區及刺身放題分店

同其他Mou Mou Club 牛涮鍋,位於樂富廣場這間 Mou Mou Club 係唯一一間設有炸物自助區同刺身放題既分店,場內更特別首設沙冰機,並有兩款口味供顧客選擇。另外,Mou Mou Club 現正推 出了日本薩摩黑牛牛肩脊肉放題,讓顧客享受更頂級滋味。


▲識得食緊係食日本薩摩黑牛牛肩肉放題+升級海鮮及刺身(星期一至四$448 / 星期五至日$458)


▲日本薩摩黑牛牛肩肉放題,日本薩摩黑牛其實係集合日本黑毛和牛同荷蘭黑白奶牛優良血統,肉質嫩滑油脂十足!


▲追加既升級海鮮種類有青口、魷魚、白蜆、廣島蠔、虎蝦、帆立貝


▲追加亦包括香港人最愛既日式刺身!


▲牛涮鍋自助吧既蔬菜選擇都非常豐富!


▲自助吧仲會有炸物提供

Mou Mou Club 牛涮鍋

地址 : 樂富廣場1樓1208 號舖
電話 : 3590 2600
營業時間 : 星期一至星期日: 12:00 am – 11:00 pm

閏蜜打卡之選!夏日限定彩虹蕨餅白玉刨冰+抺茶雪糕!


自家製辣蝦油日式叉燒丼($79)櫻花蝦油口感味道有d似xo醬,日式叉燒尚算軟嫩。


夏彩蕨餅白玉刨冰 配抺茶雪糕($49)雪糕外型相當吸睛!



▲紫薯tiramisu

抹茶館

地址 : 樂富廣場1樓1210 號舖
電話 : 2374 2988
營業時間 : 星期一至星期日: 11:30 am – 10:00 pm

文字/圖片來源:香港人.遊香港