銅鑼灣泰菜:【銅鑼灣人氣泰國菜!必點打卡火焰燒雞+咖哩三重奏!】-Milu Thai มิลู่ไทย

國菜一直深受香港人歡迎,唔至九龍城先有好食泰國菜,家陣銅鑼灣都有。呢間啲菜式無論係賣相定味道都好,有幾款仲係客人必點既打卡招牌菜,例如:咖哩三重奏、火焰燒雞等,客人除左可以食到傳統泰國菜必食既金邊粉、菠蘿炒飯、串燒等之外,仲可以食到泰式火鍋添。另外呢間既裝修係以好七彩繽紛漫畫牆為主,店內位置都闊,客人相對上坐得都會舒服啲。

▲泰式蛋包炒金邊粉($108):賣相好靚,用蛋絲包住啲金邊粉,兩隻大蝦都好大隻。

▲生蝦刺身($98): 一共會有6隻生蝦,每隻都大隻得黎又鮮甜,好,仲會擺咗啲乾冰上菜時會有煙霧效果。

▲咖哩三重奏 ($198):呢個火鍋一共有三款唔同款既咖哩,包括有青、紅、黃咖哩,青咖哩係食落辣同椰汁味最重,而海鮮係呢煲野既主菜,海鮮入晒咖哩既濃郁味道。

▲菠蘿海鮮炒飯($98): 炒飯連埋原個菠蘿上,飯既份量勁大,岩晒一大班人一齊食,  配料有海鮮、肉鬆同腰果。

▲泰式串燒($88): 份量係半打串燒,豬、牛、雞各2串, 沙嗲汁係另上,汁個味好濃同埋有粗粒花生。

▲火焰燒雞 ($198): 呢個係餐廳共中一款主打,雞上菜時店員會倒油點火落隻雞度,之後會幫客人斬埋隻雞。雞皮好脆,雞肉幾滑。

Milu Thai มิลู่ไทย

地址:銅鑼灣耀華街3號百樂中心2樓
營業時間:星期一至日 12:00 – 23:00
電話:28850060

文字來源:香港人.遊香港/圖片來源:@carmenko1130@yosyosan@hsyw@sharonlovesfooddddd