西環火鍋:【阿元係香港開埋台式火鍋店啦!一人一鍋火鍋!】- 阿元菜市場

阿元係香港開左第二個主題既鋪頭啦!呢間有別於阿元來了,呢間係一間台式火鍋店,主打係招牌麻辣鍋、多款自創湯底、現炒石頭火鍋等,店內仲會有多款由台灣直送到港既蔬菜。現炒石頭火鍋係呢間鋪既主打,會由店員係客人面前先炒熱個石鍋,然後先再用豬骨高湯煮滾個湯底比客人打邊爐,係呢度仲可以加$20要台灣玉子麵。店內除左火鍋之外,仲會有幾款小吃比客人叫,絕對滿足到突然想食台灣菜既客人。

▲店內搭建左一個菜檔,每日有十多款由台灣直送蔬菜,客人只要加$49就可以出去任扲,呢個價任食台灣蔬菜好抵,仲平過你係超市到買,重點係可以食到好多款唔同既台灣蔬菜。

▲培根牛肉鍋一人份($99): 呢個價錢係唔包菜,客人可以自己再加錢任食菜。

▲海鮮總匯鍋($259):海鮮食落去都好新鮮,份量同種類都算多,包括有大蝦、鮑魚、蠔仔、蜆等。

▲麻吉燒($39): 係台式火鍋既其中一樣會叫黎食既火鍋配料。

▲店內主要係以一人一鍋為主,咁樣就算一個人都可以打邊爐啦!

▲新店都會繼續參照高雄舊式菜市場設計,會有唔同既台式商標橫額裝飾,望落去色彩繽紛,絕對係裝修度落足心機。

阿元菜市場

地址:西環堅尼地城科士街40號聯安新樓地舖
營業時間:星期一至日12:00 – 15:00/18:00 – 00:00
電話:29101320

文字來源:香港人.遊香港/圖片來源:@yuansmarket