將軍澳拌麵:【台灣拌麵品牌係開實體餐廳!仲有多款經典口味!】- 老媽拌麵

老媽拌麵一直深受香港人歡迎,終於係今年6月係香港開左堂食店鋪啦!大家可以食到一啲獨特同經典口味!店鋪裝修以木系裝修為主,座位都算寬敞。呢度食招牌關廟麵除左有湯麵之外,仲有撈麵系列、台式小食、台式飲品等,餐牌選擇絕對係多!店鋪選址係將軍澳,新界人又多左個選擇。另外,老媽拌麵亦會係荃灣開第二間分店,詳情可以留意老媽拌麵香港官方Facebook

▲老成都擔擔粗麵($52):食落去有少少微辣,有種蒜味感覺,主要精粹係肉燥度,肉燥香得來又唔油膩,每啖麵撈埋啲肉燥食味道都好濃郁。

地獄麻辣牛肉拌麵($72): 呢度既麻辣味係以麻香為主,食落好惹味,牛肉又唔會過硬。客人可選幼或粗麵,兩款麵質都比較彈牙同會入味。

清燉牛肉湯麵($72):湯底煮成五小時先咁濃味,同埋係無味精,牛肉仲係經過獨家配方滷過!

▲川味紅燒牛肉麵($72):牛肉湯好濃有少少辣,但湯底咁濃先令到啲麵咁入味,紅燒牛肉份量都多,同埋肉質唔硬身。

▲西紅肺雞蛋拌麵($52): 呢款食落去就相對地失色,只係蕃茄炒蛋撈麵,絕對係自己係屋企整麵整到。

▲蔥油嫩雞拌麵($62): 呢款只可以選幼麵,麵食落去好彈牙,蔥油味好香,同埋啲雞食落去麵好滑,唔會太乾又鞋。

老媽拌麵

地址:將軍澳唐德街9號將軍澳中心L1樓133號舖
營業時間:星期一至日11:30 – 22:30
電話:26310030

文字來源:香港人.遊香港/圖片來源:@glo_golf@foodacademics@titkong@piggyfoodieinhk、@bonniepoyee

Close Bitnami banner
Bitnami