元朗冰室:【必食掛汁芝士撈麵+黯然銷魂飯!老香港懷舊feel冰室!】- 喜友此里

呢間小店位於元朗靜中帶旺既位置,招牌非常吸睛,裝修一d都唔馬虎,充滿老香港味道同懷舊色彩,最特別係店入面模仿九龍皇帝既字跡,真係好有懷舊feel,呢度形式又似快餐店,又似茶餐廳,而且好多食品都係街坊推介,好似滑滑既葱花滑蛋、水汪汪既雙蛋飯,仲有好多街坊都大推掛汁芝士撈福字麵,係tea time必食!聽落d野食雖然好似好老土咁,原來佢地係用韓國+日本蛋呢d外國優質食材,可見佢地既新派又懷舊!

▲雖然呢度裝修陳設行復古香港風,但食物都係高質,不過定價都係較高。蔥花滑蛋安格斯牛腩飯($55)滑蛋滑溜香濃,用上安格斯牛腩牛脂香濃,食落有層次。

▲廣島蠔奄列飯,係日式同港式既crossover,奄列煎得較乾身,廣島蠔肥大飽滿

▲黯然銷魂飯,叉燒唔同平時燒味店賣果d!原來係餐廳自家製,佢採用半肥瘦豬肉。

▲招牌喜友雞扒撈丁配芝士蝦汁

▲奶茶紅豆冰特飲,紅豆大大粒!

▲店鋪最大特色就係仿水泥牆同九龍皇帝字跡!

▲同時另一邊亦有懷舊廣告壁畫

▲呢間小店就連門口都用左好多中國風既設計

喜友此里

地址:元朗教育路83號元達樓地下2號舖
電話:25030022
營業時間:07:00 – 18:00 (星期二休息)

文字來源:香港人遊香港/圖片來源:@hk_foodaholic、@kobelung、@juliaxng、@non0817b、@billy.bubu