銅鑼灣美食:【牛魔王注意!銅鑼灣有間來自沖繩石垣牛專門店】- 和牛88

香港好少地方食到石垣牛同埋牛肉壽司食,而呢間餐廳仲要係黎自沖繩既石垣和牛專門店,價錢就屬於中高價位,和牛菜式款式好多,相信大家會望住餐牌都唔知叫咩名好,由生牛肉到熟牛肉都有得叫。同埋呢間野仲開到零晨一點 ,岩晒夜鬼收工既係你地黎食!最緊要既係一間好高質既和牛餐廳!,質素石拍得住係日本食。

▲火焰和牛雞蛋拌飯 ($118): 呢個拌飯用鐵鑊裝住,鐵鍋會令部份既飯變成飯焦。

▲石垣和牛88火焰牛扒($298 150g): 記得上菜既時候要準備好相機,燒完之後店員會倒埋自家蒜蓉醬落牛排上面。牛扒脂肪分佈岩岩好,食落去牛扒淋之餘又唔會過份肥腻。

▲招牌鐵板皇者和牛三食:三食分別係本部牛、鹿兒島牛、石坦牛,侍應通常都會推薦客人食既次序係本部牛,鹿兒島牛之後先石坦牛。石坦牛係呢三款入面脂肪最多,食落去係最好食!

▲廚師精選五款壽司拼盤 ($208):呢個拼盤啲和牛有生熟刺身,比你食到唔同配搭既牛壽司,分別有鵝肝和牛壽司、和牛海膽壽司、生和牛拖羅壽司、和牛赤身壽司。

▲和牛拖羅生雞蛋拌飯($138):蔥+蛋撈飯呢個組合點都唔會輸,再加埋和牛,食落去好香紫菜、蔥花味,牛肉油味!

▲自家製芝士豆腐($68): 食落去都幾重芝士味,有啲懷疑自己係食緊芝士,味道係幾特別。

和牛88

地址:銅鑼灣登龍街28號永光中心13樓
營業時間: 星期一至日 18:00 – 01:00
電話:31053129

文字來源:香港人.遊香港/圖片來源:@lamwhyjan、@tiffoodiary、@shingeateateat、@delicious_reason、@this.is.anissa@eamonn_lee