旺角放題:【辣到出汁40款辣串串任食放題!一啖一串食得辣必挑戰!】- 爆汗串串

食得辣既朋友仔聲稱話要食100串!呢度自從推出左串串放題之後,好多愛辣之人都黎挑戰,結果都係人如其鋪名,辣到爆哂汗!呢度串串有好多款,以超長竹籤串起食材,再放麻辣湯底中煮至入味,依家最平128蚊就任食佢地超過40款麻辣串串,麻辣串串之中,小編大推五花肉、肥鵝腸同成都小香腸呢d香港比較少食到既食材!任食放題item仲包括五款麵食同飯,仲可以任食成都老冰粉!覺得都係唔夠既,就可以加$20食埋惹味川菜小食,例如蒜泥青瓜、麻辣海帶、麻辣千層肚!

▲任食超過40款麻辣串串($128)初初食覺得油香滿溢,之後辣勁就出哂黎!

▲麻辣串串係麻辣火鍋既前身,一啖一串食得非常滋味!

▲麻辣串串款式多達四十款,有牛肉、五花肉、特色千層肚、肥鵝腸、魷魚、黃喉、鴨舌、成都小香腸等。店長推介黑木耳、肥腸、雞胗、成都小香腸、牛根丸、鴨舌、魔芋、魷魚、萵筍,千層肚。魷魚浸入辣汁好爽脆。

▲爆汗牛肉麵都係任食item之一,麵條幼身入口順滑

▲任食再加$20仲可以食圭惹味川菜小食,例如蒜泥青瓜、麻辣千層肚、手撕雞

▲成個任食最爽都係食冰粉任,因為可以即時解辣,舊舊四方形晶瑩剔透,面頭仲有提子乾、山楂餅同米粒

▲另加$30可享飲品放題,包括汽水、烏梅汁、豆漿、啤酒等。

爆汗串串

地址:旺角廣華街2-20號翠園大樓二期地下2號舖
電話: 2338 1339
2小時麻辣串串放題時段: 17:15 – 19:15 $128/19:30 – 21:30 $168 / 21:30 – 02:00 (自選2小時) $128
*另收加一服務費

文字來源:香港人.遊香港/圖片來源:@eatwhat9、@hongkongtummy、@eat.play.love._、@my.cloudyblue