葵芳美食:【去到葵廣唔一定得掃街!必食蕃茄濃湯淮山麵+酸菜魚米線】- 百味川

有時去到葵廣唔想掃街,想坐低同朋友食下野,又唔想淨係食車仔麵,咁可以試下食呢間川式粉麵!同商場入邊嘅其他餐廳比較既話,佢嘅鋪面算係有裝修同埋啲座位都比較坐得舒服啲。呢間又平又好食,有幾款麵店湯底比客人揀,例如蕃茄魚湯式,酸菜魚湯底。獨特又多選最特別既係除左薯粉、米線之外,客人仲可以揀淮山麵黎食!除左葵芳分店之外,大埔都開左間!

家鄉紅燒肉:紅燒肉食落去唔會肥得黎好膩,食落去又好林身,同埋唔會話濃味過重。

▲ 百味鮮魚茄米線($56):番茄味好濃,魚都好滑無骨。番茄湯飲落去係甜甜地,唔會酸。

蕃茄酸辣拌麵 ($46): 蕃茄味食落好濃,成碗麵唔會好辣。

▲百味酸菜魚淮山麵($56):成碗麵好大碗,魚同酸菜分量都多。呢度的酸菜唔會太酸,魚肉厚身又大塊吸埋酸菜既味,好好食。

▲ 自家製奶茶。

▲鋪頭裝修,係葵廣度算坐得幾舒服。

百味川

地址:葵芳葵富路7號葵涌廣場地下A39號舖
營業時間: 星期一至日09:00-00:00
電話:31021201

文字來源:香港人.遊香港/圖片來源:crystallcheungg、@bu_fung、@pakmeihouse、@crystallcheungg