台南Cafe:【工業風格文青咖啡廳,讓客人被復古氣氛包圍。】- ICI-Cafe

台南中西區有一間Cafe係由一間老屋改建的文青咖啡廳,裝修係以日光玻璃屋做設計藍圖。Cafe前身係家庭式印刷工廠,所以老闆諗住間Cafe都繼續工業風格既裝修,例如:長桌同色彩繽紛既設計鐵椅。老闆希望客人係度食野或飲野既時候都可以感受到復古氣氛。呢間Cafe假日係好多人排隊嫁,因為除左個裝修風格特別之外,食物既質素都好高!其中最高人氣就係鬆餅,基本上每一枱客人都會叫一份。

花生麻糬鬆餅+飲品任選(新台幣$220): 鬆餅加上鮮奶麻糬,食落去係滿滿既牛奶味道,鮮奶麻糬可以加上花生或芝麻碎一齊食!

黑糖珍珠鬆餅(新台幣$220): 鬆餅好鬆軟,配上濃郁鮮奶油、黑糖粉加小珍珠,食落去會偏甜膩,岩晒中意食甜野既朋友。

草莓鬆餅(新台幣$180):鬆餅加上蜂蜜醬,然後草莓份量好多,每一粒草莓都好大粒,不過有啲酸,但連埋鬆餅食可以中和番個甜味。

煙燻鮭魚凱撒沙拉(新台幣$120):煙三文魚個鹹味適中,配上既醬汁帶點蒜香味,食落去唔膩口。

特製嫩煎雞腿排 / 西西里香草蒜煎牛排(新台幣$280/290)

▲鋪頭裝飾比較工業風,坐係入面燈光唔會太光,令到客人坐得幾舒服。

▲牆既顏色都跟番工廠既設計。

ICI-Cafe

地址:台南市中西區忠孝街93巷108號
營業時間: 09:00-16:00
電話:06-222-3053

文字來源:香港人.遊香港/圖片來源:amos0716、@irene_taipei_food、@su240037@tainaneateat、@tainan_yoel_food