周遊深圳:【又有藉口去深圳玩!喜茶全新粉紅桃桃/荔枝系列!】- 深圳喜茶

雖然香港喜茶開到黎香港之後遍地開花,但係茶飲選擇得返d傳統選擇,最近2個月出既少女心粉紅系列香港都未有得賣,之前既荔枝系列有芝士奶蓋多肉粉荔、醉醉粉荔同玫瑰粉荔蛋糕卷,夢幻粉色飲品加入好多果肉。橙粉紅色既桃桃系列第3次回歸,粉色係來自紅心火龍果汁調色,唔係人工色素,大家可以安心飲用,官方話安排緊全國上市,唔知今次包唔包括香港店呢…

桃桃系列

▲芝芝桃桃🍑(RMB29)鮮打粉嫩桃肉沙冰包裹著桃肉,第3代既茶底升級為「金玉茶底」!

▲芝芝桃桃🍑(RMB29)以醇香綿滑芝士搭配新鮮桃子果肉,壓出汁後加返d軟綿綿既桃肉,芳香馥郁

▲微醺桃桃🍑(RMB25)水蜜桃果香搭配清爽的金玉茶底,加入冧酒,桃香馥郁加上細膩冰沙,係少女又街飲既雞尾酒!仲會有脆波波同桃子果茸,酒味回甘,飲完會微醺之意。

▲桃桃冰淇淋(RMB23)係1個月限定,應該到5月尾就冇!

▲桃桃冰淇淋(RMB23)蜜甜桃香加入香濃雪糕,搭配脆波波、同桃肉,係夏天必食!

少女心粉荔系列

▲多肉粉荔(RMB29)綠妍茶底更襯托出荔枝既香甜,加上粒粒蘆薈肉、荔枝果肉,飲野都可以有豐富爆汁口感!

▲芝芝粉荔(RMB29)漸層粉色好適合打卡!

▲醉醉粉荔(RMB25)香氣加上冧酒夏日微醺才是王道!

喜喜冰冰包系列

▲以最近既粉荔、桃桃系列作靈感,推出粉嫩既冰冰包(RMB 25/盒)一盒含兩款口味各一個!

▲粉荔冰冰包係鬆軟的麵包內餡有超多荔枝味cream,cream以天然火龍果汁調成淡肉粉色

▲外表做成可愛桃子外形,內餡cream拌入桃汁、桃肉粒,果香甜美。

喜茶HeyTea

地址:https://www.heytea.com/

文字來源:香港人.遊香港/圖片來源:@xiaohongshu