將軍澳意粉:【街市都有親民意粉小店!調景嶺街坊有口福!貼地價食西餐!】- 平靚正西餐

住調景嶺既朋友要落街食野,好多時要搭一個站去將軍澳,小編發現彩明苑街市有正呀,近街市水果檔,有間細細間既店鋪,由於係街市內店,地方唔算大得幾張枱,有時晚上仲要等位。佢裝修以黑白格仔做主題,賣既唔係腸粉魚蛋車仔麵,而係以平靚正做招來既西式意粉,意粉即叫即製,上台仲係新鮮熱辣。下午茶就最抵食,可以選三款食物跟飲品,岩哂選擇困難症病患者呀!

▲黑松露雜菌扁意粉($48)

▲下午茶($32)任選3樣食物,以上為小卡邦尼煙肉扁意粉、蜂蜜柚子雞翼、宜蘭三星蔥餡餅,Tea Time黎就可以一次過試哂3樣野食!

▲下午茶($32)樣樣都精緻細細份咁,岩哂女仔食!

▲最近疫情關係好多朋友都買外賣返去食,彩明街坊有多呢個選擇。

▲香脆蒜蓉包 ($12)一份有4件,都幾抵食。蒜蓉包即叫即焗,岩岩出爐真係好濃香。

▲香蒜肉粒炒扁意粉 ($48)蒜香十足,配料有辣味腸、香草、洋葱粒掛上扁意粉。

卡邦尼帶子大通粉 ($48)唔係度度都有大通粉食,而每粒大通粉掛有芝士醬汁。

▲細細既餐廳有黑白格仔做記認!估唔到街市都搵到正野!果然名副其實平靚正!

平靚正西餐

地址:將軍澳調景嶺彩明街1號彩明商場一期1樓彩明街市16號舖
營業時間:星期一至日 07:30 – 19:00

文字來源:香港人.遊香港 / 圖片來源:@ms.jmak、@carykh1903、@shirleysumsumsum