旺角/筲箕灣串燒店:【芝迷注意!特濃三重芝士撈麵!人氣串燒店港九都有得食!】

呢間人氣串燒店有兩間分店,分別係旺角同筲箕灣,港島同九龍都有得食,串燒有好多選擇,包括蔬菜果瓜類、必試推介、刺身類、肉類、海鮮類、丸類、特色甜品類。不過講到人氣推介,一定係呢個為各位芝士迷而設既三重芝士蒜蓉撈丁,老闆係歐洲留學期間試左將唔同芝士口味組合同配搭,最後調配出以車打芝士、藍芝士同巴馬臣芝士泡製芝士汁,將芝士汁淋上面之後,再加埋大量蒜蓉,用火槍輕燒,顏色略帶金黃,將麵條一拉,芝士汁拉上麵條,有拉芝之效。

▲芝士撈丁都有3個味道包括黑松露、蒜蓉芝士同三重芝士

▲安安秘製三重芝士撈丁($46)三重芝士以車打芝士、藍芝士、巴馬臣芝士混和所製,芝士迷唔好錯過!芝士麵好快變凍,要襯熱快手撈佢黎食!

▲惹味蒜蓉生燒茄子($42/份)- 原條燒茄子係惹味選擇,原條半呎大大隻茄子開邊,加上蒜蓉同七味粉,燒完真係好口,入口軟腍。

▲燒鮮味蟶子($44/客)上面配以蒜容同炸蒜,加上清甜爽口燒鮮味蟶子。

▲燒鮑魚(時價)新鮮鮑魚加少少調味料燒烤已經好美味!

▲蒜蓉燒鮮味海蜆(時價)- 海蜆以錫紙包住燒,海蜆係中小型size,有10幾隻,另外可以選擇海鹽燒。

▲燒雞翼($29/客)- 燒雞翼,我自細鐘意食~燒雞翼一定要配perfect match既蜜糖,夠哂經典!蜜糖燒雞中翼好惹味!

▲燒韭菜($/客)燒韭菜口感鮮香而且爽口!

▲新鮮菠蘿($19/件)先已將菠蘿切為小件,方便食用,菠蘿輕燒將菠蘿清甜鎖緊,味道更突出,咬落去爆汁!

安安燒筲箕灣店

地址:筲箕灣南安街93號鯉景大廈地下A舖
電話:23071900/92807603 (Whatsapp)
營業時間:18:00 – 02:00

安安燒旺角店

地址:旺角染布房街6號地舖
電話:26172220/65323134/66869530 (Whatsapp)
營業時間:星期一至四18:00 – 03:00;星期五至六 18:00 – 04:00

文字來源:香港人.遊香港 /圖片來源:@run4food、@cmt_is_me、@felixyim、@lordwilliamkan