fbpx

酒店自助餐:【紫色控必到!紫薯配羊架/甜品一樣正!】- 帝京酒店 花月庭

紫色尊貴又浪漫,今個初夏呢間酒店餐廳以紫色為主調炮製出多款精緻美食既自助餐,紫薯控一定唔可以錯過!「紫薯蘋果沙律」作為前菜清新開胃,主食「羊架配乳酪紫番薯蓉」以大火香煎羊架即叫即切,肉質柔嫩,以紫薯代替傳統薯蓉,口感更幼滑香濃。仲有「梳乎厘班戟伴沖繩紅芋忌廉」、 「沖繩紅芋忌廉蛋糕」、「芋圓甜品」等都有濃濃紫薯味,甜度適中,而且賣相精美,一枱都係紫色食物賞心悅目,食慾大增,打卡都一流!

▲「香煎羊架配乳酪紫番薯蓉」羊架經調味後以大火香煎,外層香脆,裡面肉質較嫩!仲特別以紫薯蓉代替傳統薯蓉,口味新鮮,蕃薯味更濃更綿密,口感大大提升!

▲多款開胃沙律都精緻又特別,其中「紫薯蘋果沙律」以紫薯入饌,紫薯香甜、蘋果清新,作為開胃菜絕不單調!

▲講到紫薯又點少得甜品!「梳乎厘班戟伴沖繩紅芋忌廉」以班戟同紫薯忌廉相間,入口軟綿順滑,非常邪惡!而「芋圓甜品」最近亦成為甜品界新寵兒,有紫薯、香芋及蕃薯三種口味,口感煙韌,仲可以自己DIY 配上豆腐花、涼粉、水晶珠、紅豆、雪蓮子等不同配料,好豐富啊!

▲「櫻桃乳酪慕絲蛋糕」同「沖繩紅芋忌廉蛋糕」既粉紫色的外表未食已經夠賞心悅目,其中沖繩出產既紅芋連甜度、香味及鬆軟度都比其他地區優勝,甜度同香滑度用黎製作甜品同海綿蛋糕非常夾!

▲其他精緻甜品包括「雜莓紫羅蘭無花果撻」、「薰衣草白桃忌廉泡芙」、「藍莓蜜柑奶凍」等,一定可以將你第二個專食甜品既胃都填滿!

▲自助餐又點少得海鮮!新鮮生蠔、松葉蟹腳、太平洋熟海蝦及龍蝦鉗等等凍海鮮,夠你食番夠本!

▲凡惠顧全時段主題自助晚餐,每位客人仲可額外獲贈「籠仔海上鮮」一份,矜貴海鮮包括花膠、龍蝦鉗、原粒帶子、鮑魚等,配上韓式辣醬、燒肉汁及柚子醋等醬汁,鮮味十足!

帝京酒店 花月庭 「夢幻紫花の戀 自助晚餐」

供應日期: 2019 年 5 月 1 日至 7 月 14 日 (不包括5月11日及12日)
電話:2622 6154
地址:九龍太子道西193號帝京酒店二樓

供應時間及價目表:

 時段時間成人小童
三歲至十一歲
長者
六十五或歲以上
星期日至四全時段18:00-23:00HK$628HK$418HK$478
第一優惠時段17:45-20:15HK$508HK$338不適用
第二優惠時段20:30-23:00HK$528HK$348不適用
星期五、六、
公眾假期及前夕
全時段18:00-23:00HK$668HK$448HK$508
第一優惠時段17:45-20:15HK$528HK$348不適用
第二優惠時段20:30-23:00HK$548HK$358不適用

文字來源:香港人.遊香港 /圖片來源:帝京酒店 花月庭

Close Bitnami banner
Bitnami