銅鑼灣一人火鍋:【一個人都可以去食海鮮蒸氣火鍋啦!】- 船渦

有時想一個人食蒸氣火鍋,但有怕自己一個人霸住張枱同個爐會好尷尬,家陣銅鑼灣開左間一人一鍋自己蒸海鮮既火鍋專門店!呢個既海鮮比起其他海鮮蒸氣鍋絕對新鮮,同埋自己想食邊種海鮮就自己選擇。一人一蒸鍋設計非常之好,每個座位左右前面都會用簾分隔每個座位,就算一個人嚟食都可以靜靜地享受。每張枱就會有個時間制比客人用,同埋各種食材所需蒸煮時間比客人參考,呢度係用手機Scan Barcode落單,夠晒方便快捷。

▲一個人都食得嫁!如果一個人食就會四圍幫你落簾,比番啲私人空間自己。

▲八府巡樓套餐(每位$328再加一): 蟹半隻、帶子、蝦、鮮魚片、白蜆、鮑魚、貴妃蚌、龍蝦半隻、元具、聖子皇,安格斯牛肉、特色三寶丸、蔬菜拼盤。如果客人唔食牛可改做雞腿肉/豚肉片。

▲食到尾聲既時候可以加南瓜作粥底火鍋,或者揀做湯麵。湯麵就有4種湯底可以選擇。

▲蒸蟹同龍蝦,食落去超級鮮甜,蟹肉仲比想像中多!

▲蔬菜拼盤+牛肉拼盤: 蒸蔬菜食落去既感覺比起食肉更加清新,牛肉本身蒸起上黎食都唔會好硬。

▲加入南瓜、芋頭粒作粥底配料。

▲鋪頭裝修好日式,仲會有水箱比客人睇到當日啲海鮮新唔新鮮。

船渦

地址:銅鑼灣謝斐道500號維安商業大廈3樓
營業時間:12:00 – 17:00 /18:00 – 23:00
電話:28850268

文字來源:香港人.遊香港/圖片來源:@nnwhmm、@namaste_hklifepig.creamy