周遊深圳:【深圳打卡一日遊!一次過去哂小眾打卡勝地!】- 仙湖植物園+深業上城+G&G創意社區

潮遊深圳,可以影足全日既三個打卡熱點!

近年中國內地流行著「網紅」風氣,唔少後生仔女都鍾意周圍打卡影靚相,展示自己最靚既一面,所以大陸有唔少商場同創意園區都多左唔同既特色影相位,而作為中國大城市既深圳亦都唔例外。今次就等我地帶領大家北上黎番個打卡一日遊!放假不妨同朋友上深圳周圍行下,發掘新既影相位,順便食下野都係一個唔錯既選擇。 作為網紅拍照勝地既深圳仙湖植物園相信大家都有聽過,雖然位置比較偏遠,但因為植物園種左好多唔同品種既仙人掌,所以假日都吸引左唔少人入去親親大自然同影相。

第一站:深圳仙湖植物園

▲仙人掌園區內種植了不同品種的仙人掌。

▲四周都種滿了仙人掌,好多位置都可以影下相。

地址:深圳市羅湖區蓮塘仙湖路160號 (地鐵黃貝嶺站C出口)
前往方法:地鐵站C出口往4公交站坐220或382到總站仙湖植物園下車即可

第二站:深業上城

行完植物園,係時候去商場醫下肚!大家唔怕遠既話可以去上年先開張既深業上城,係深圳拍照新地標,亦都係依家最hit既打卡點。

▲整個深業上城既外牆鮮豔,吸引左唔少年輕人過黎影相。

▲角度拎得好既話,其實唔洗太花巧既外牆都可以影得好靚。

▲好多建築物真係求其影都好靚,充滿夏日氣色。

地址:深圳市福田區皇崗路5001號深業上城
營業時間:10:00am-22:00pm
前往方法:地鐵3號線蓮花村站,步行約15分鐘

第三站:G&G創意社區

休息過後,晏就約3-4點可以去深圳比較小眾既拍攝勝地:G&G創意社區,依個創意園係由一個空間好大的工業區改建而成,文藝氣氛有d似華僑城創意園,但依到大部分既鋪頭同餐廳都係傍晚先會營業,所以晏就唔算好多人,可以盡情咁影相。

▲創意社區內種植好多芒草,當陽光照耀既時候仲會變左粉紅色。

大部分小店都會係夜晚先開,所以條街都特別寧靜。

貨櫃既顏色好鮮豔,著白色衫黎影相會夾d。

區內仲放置左唔同小擺設比大家影相。

地址:蛇口招商街道荔園路(地鐵水灣站D出口)
營業時間:11:00am-21:00pm

文字來源:香港人.遊香港/圖片來源:小紅書@夏雪停、@Elk_X、@AnyaC、@Lady&bird