大埔西餐廳:【玩野威士忌豆腐花+肉嫩多汁漢堡】- The Right Place

呢間大埔餐廳位置隱密,但就有非常IGable的特色雞尾酒。這個威士忌豆腐花以小木桶裝著,未食已經吸晒睛。內有威士忌再自行加入豆奶,搞幾搞再等5分鐘就變成有濃濃威士忌味但又有豆奶味的豆腐花。既可以飲又可以食,非常過癮。另外推介個安格斯牛肉漢堡,牛肉夠厚又肉味足又多汁、再加上蛋黃汁味道一流。

▲美國安格斯牛肉煎蛋煙肉芝士漢堡伴薯條($128) :麵包香脆、牛肉多汁、肉味足。弄穿中間的太陽蛋黃加上多汁牛肉,入口更加滑嫩。

▲魷魚西班牙辣肉腸燒南瓜法邊豆鹹蛋黃意大利飯伴輕煎北海道帶子($198) :帶子厚身大粒,煎成半生熟嫩滑彈牙。意大利飯吸收上湯、南瓜、辣肉腸的精華夠晒入味再有淡淡鹹蛋香味好合配。

▲墨西哥牛肉芝士卷($128) :賣相和外皮與平時的有點不同,外皮烤得微脆乾身但又帶點煙韌。中間有牛肉粒、菠菜、芝士。牛肉份量不少,味道帶辛辣但惹味。

▲蘇蘭豆腐($118) :將豆奶倒入木桶和威士忌搞伴,等待5分鐘便馬上便成有香濃威士忌豆腐花。威士忌味道突出但又不會蓋過豆漿香味。

▲茶葉浸美麗($118) :用上點心蒸籠和茶壺,非常吸睛。飲品分開兩杯一冷一熱,冷的帶蘋果甜味易入口,熱的帶茶香酒味重一點,一冷一熱輪流飲好過癮。

The Right Place

地址: 大埔舊墟直街30號美利大廈地下13號舖
電話: 26642211

文字/圖片來源:香港人.遊香港