日日都有驚喜？平價品嚐Omakase

呢間主打Omakase既日本餐廳位於大角咀，比起其他同樣都係食Omakase既價位確實係平啲，價錢大約係每位＄1500，有刺身、壽司、魚湯同水果。所有食材都係新鮮每日用日本直送，壽司師傅有時仲會係客人面前即刻劏鮮魚比作佢地食，勁新鮮阿！同埋壽司師傅係有20年煮日本料理經驗。記住呢間鋪只係會做夜市嫁炸，同埋即係做一轉嫁炸，餐廳得8個位，想食既人記得記得要預先打電話訂位。

▲豪華版海膽刺身，仲有啲吞拿魚腩蓉同埋三文魚籽，呢個要預早搵老闆預訂先有得食嫁。

▲北海道馬糞海膽壽司: 食落去海膽好鮮甜阿，同係北海道食既海膽差唔多咁鮮甜。

▲岩牡蠣嘅季節會有唔同日本各地產嘅真蠔，啲蠔好似手掌咁大嫁，食落去好creamy又無咩海水味，好鮮甜真係。

▲岩季節果陣仲會有北海道既秋刀魚刺身食，可以點由秋刀魚既肝黎做既醬汁，食落去會有種肝嘅甘香味，將秋刀魚刺身提升到另一層次。

▲每一日都會有唔同既刺身同壽司比客人。

▲原隻活馬糞海膽，一啖啖咁食真係好正阿，比一板板海膽仲新鮮。

▲火灸吞拿魚腩壽司: 拖羅肉質好有彈性，燒完之後完全將佢既火炙油脂逼番晒出泥，入口即溶，好正！

武館

地址:大角咀博文街19號富貴大廈西座地下20號舖
營業時間: 星期一至六 19:00-00:00
電話:5328 9669

文字來源：香港人.遊香港／圖片來源：＠bukanryori