彩虹懷舊酒樓:【記得預訂!時光倒流60年代食港式懷舊菜!】-金碧酒樓 

今時今日要搵一間舊式餐館食懷舊菜真係唔係咁容易,係彩虹屋村入面就有一間。呢間酒家既裝修都好oldschool下,同埋專門食懷舊菜。如果帶長輩去食呢間,好岩佢地食,同埋坐係入面佢地會有一種番返去六七十年代既感覺,因為客人要自己手寫單同坐懷舊摺椅。

門口成日都會貼住張紙寫是日包場客滿,因為呢間係唔會做Walk-in客嫁,如果大家想食既就一定要預早啲打電站訂位同埋叫埋野食啦!所有懷舊茶式唔一早訂係無得食嫁。當你成功留左菜式同埋訂位之後,老闆娘會叫你入$500訂金,入數紙當日出示番就埋單時扣番果$500。

▲錦鹵雲吞:好少地方有呢個食,呢間做法好正宗,會配上一大碟酸汁加配料比你,例如有叉橈、鮮尤、菠蘿等配料。同埋雲吞片食落好鬆脆唔粉,襯熱點汁食真係好味。

▲蜜汁燒鱔球:用蜜汁燒鱔肉,食落去又爽又脆,

▲蠔豉生菜包: 蠔豉同豬肉都會刴到好碎咁撈埋一齊食,會有生菜比你包住啲肉碎。

▲豉汁蒸蟠龍鱔: 鱔好大條,鱔肉食落去啖啖肉。

▲花雕蛋白蒸海蝦:蛋白蒸到好滑,海蝦食落亦都好鮮甜。

▲舊式酒家既裝修,好多人都會食飯果陣係呢個位度影番張大合照。

▲店內有幅對聯「第二次不來品嚐是你們的錯。」,食過既人就會知點解會咁寫嫁啦!食過真係番尋味,係會再黎食嫁!

▲懷舊菜單,好多都好特別,唔係周圍都有得食嫁! 不過要注意既係呢啲菜式全部都要訂位時預先預訂先有食到。

金碧酒樓

地址: 彩虹彩虹村金碧樓 22 號地下
營業時間: 星期一至日 11:00-16:00 / 17:30-22:00 (星期三休息)
電話: 2320 0937

文字來源:香港人.遊香港/圖片來源:@hangrypangpang、@dobieccs、@poonchihang、@irwinwong、@1ne9ine8ight7evenszeto_lomicgeeka.cc