fbpx

首爾延南洞美食:【延南洞超高質豐富西餐!人氣韓星都幫襯過】- The April

弘大延南洞有一間超人氣食All Day Breakfast奄列同Pasta既餐廳,連人氣組合SHINee成員Key、Wanna One既賴冠霖都係度食過野留低簽名!主打超大份量既奄列蛋(클래식 오믈렛),蛋滑香濃,可以選經典、蘑菇或辣肉腸餡,餡料多到滿出黎,配以沙律菜、薯角、腸同埋多士或窩夫,份量十足!另一款主打海鮮Pasta配麵包(빠네)更係邪惡之選,軟綿既麵包沾著白汁食,一塊塊食到停唔到口!仲有Benedict Pancake (에이프릴 팬케이크버거),流心既水波蛋夾埋鬆餅食,睇見都流晒口水!店內環境仲簡約舒適,打卡一流,可以Hea成日!不過要注意主食menu都只有韓文,要去食既話就要做下功課啦!

▲The April位於弘大延南洞轉角位,環境敝大舒適,由地鐵站行過去大概15分鐘

▲經典奄列(클래식 오믈렛)份量超大,每樣配料都份量十足,仲可以選配多士或者窩夫添

相關文章:
【遊韓國!首爾越夜越好玩!新村夜光保齡超酷炫!】
【遊韓國!弘大激厚玉子蛋芝士三文治!蛋控表示流晒口水!】

▲除左經典奄列,仲可以選「雜菇卡邦尼奄列」 (버섯마스카포네 오믈렛)或「意大利辣肉腸奄列」(페파로니라구 오믈렛),餡多香滑!

▲招牌菜海鮮Pasta配麵包(빠네) 一定滿足到邪惡既你既胃口

▲Pasta配料十足,蝦夠大隻,煙肉都唔少,個汁勁Creamy

▲軟綿既法式麵包可以切成細塊沾著Pasta既汁一齊食

▲Benedict Pancake (에이프릴 팬케이크버거) 上面既流心水波蛋,切開d蛋汁流晒出黎,連埋火腿、芝士、Pancake底一齊食,層次十足

▲連人氣組合SHINee成員Key、Wanna One既賴冠霖都係度食過,餐廳內仲有佢地留低既簽名文字/圖片來源:香港人遊香港]]>

The April (디에이프릴)

地址:서울특별시 마포구 연남동 241-16 (首爾市麻浦區延南洞241-16)
電話:02-326-0783
營業時間:11:00-22:00

文字/圖片來源:香港人遊香港

Close Bitnami banner
Bitnami