尖沙咀火鍋店:【港式打邊爐!老火靚湯湯底!】-老港情懷火鍋店

近期台式麻辣火鍋大行其道,食得悶悶地小編都係至愛港式口味,咁岩尖沙咀就有間主打以養生老火靚湯黎打邊爐!佢地主張打邊爐之前一定要飲返碗湯先!小編最推薦健脾祛濕既粉葛赤小豆煮唐排鍋,打邊爐仲可以食埋湯既精華。不過最滋陰都係花膠雞湯底,係用原隻走地雞、花膠、紅棗為主要食材煲製而成。火鍋料包括鮮蝦松露餃、懷舊陳皮魚蛋呢又經典又好味!呢度陳設裝修都係以懷舊本土為主題,有公雞碗、懷舊保暖壺等!

相關文章:
【台灣過江龍飲得既麻辣火鍋!係旺角開分店啦!】
【舌尖上火辣辣!重慶麻辣火鍋】
【即炒泰式冬陰火鍋!配獨家芒果糯米飯手工雪條】

▲祛濕既粉葛赤小豆煮唐排鍋湯底($138)赤小豆有袪濕,咁打邊爐法就冇咁熱氣!

▲濃湯花膠雞鍋($238元/大鍋;198元/小鍋):以走地雞、花膠、紅棗煲成,小編覺得小鍋有半隻雞已經夠食,皮爽之餘雞味香濃。

▲花膠雞湯咁滋潤當然要飲返碗先啦!

▲懷舊陳皮魚蛋($48)陳皮魚蛋係好多香港人既最愛,陳皮有效辟腥,不過睇黎辣湯底比較夾!

▲老港墨汁丸($68)係黑色既花支丸,都有粒粒墨魚口感!

▲美國桶蠔($148)同平日超市見果d唔同,大大隻而且肉質肥美滑溜溜!

▲美國桶蠔($148)就算煮耐左鮮味唔會因而流失

▲極級本地手切靚肥牛($368)新鮮本地手切肥牛肉味比較色澤紅潤,牛肉味濃!

▲日本黑毛豬腩片($118)油脂相間分明,肉質爽口!

▲雜菜拼盤($58)

▲鮮蝦松露餃($78)鮮蝦松露餃內蘊藏原隻新蝦及矜貴黑松露;雞腸($58)鮮味無比。

▲椒鹽粟米($48)大大粒又飽滿既粟米,炸過後酥軟可口,用椒鹽調味,獨特又美味

▲老港豬油渣醬油炒飯 ($78)先提煉出豬油渣,配上本地醬油及蔥花等調味,簡單的搭配,濃油赤醬,火喉十足,令人回味。

▲食左幾多款麻辣火鍋,小編都係覺得最岩食都係港式

老港情懷火鍋店

電話:2351 9116
地址:尖沙咀天文臺道8號
營業時間:中午12時至下午3時(午市及晚上6時至凌晨1時(晚市)​​

圖片及文字來源:香港人遊香港